Consult
तुमचं वैवाहिक जीवन अधिक ताज टवटवीत आणि सुंदर करण्‍याची तुमची इच्‍छा असेल तर मग संमोहन चिकित्‍सा करून घ्‍या. हा सल्‍ला दिला आहे, ब्रिटनच्‍या एका सेक्स तज्‍ज्ञाने. नेहमी त्याच-त्याच प्रकारच्‍या संभोगाने 'बोर' झालेल्‍या लोकांसाठी संमोहन चिकित्‍सेद्वारे ब्रेनवॉश करून घेतल्‍यास नात्‍यात पुन्‍हा जवळीकता येत असल्‍याचे या संशोधनात म्हटले आहे.
पति-पत्नीच्‍या वैवाहिक आयुष्‍यात पुन्‍हा रोमान्‍स भरून घेण्‍यासाठी सध्‍या ही पध्‍दत इंग्लंडमध्‍ये चांगलीच प्रचलित झाली आहे.
या संशोधनानुसार पती-पत्‍नी अनेक दिवस एकमेकांसोबत राहिल्‍यानंतर त्‍यांच्‍यात एकमेकांबद्दलच्‍या नकारात्मक बाजूंचा विचार अधिक वाढू लागतो. त्यामुळे ज्या वैशिष्‍ट्यांमुळे दोघे एकमेकांच्‍या जवळ आली ती विसरली जाण्‍याचीही शक्यता असते. अशावेळी संमोहन चिकित्‍सेच्‍या माध्‍यमातून ब्रेनवॉश केल्‍यास नकारात्मक विचार बदलता येणे शक्य होत असते.
Like
2 Views
