आताच्या धकाधकीच्या जीवनात आणि बदलत्या जीवनशैलीचा परिणाम आरोग्यावर त्याचप्रमाणे चेहऱ्यावर होताना दिसत आहे. टॅनिंग, पिंपल्स, पिंगमेंटेशन, ब्लॅकहेड्स यांसारख्या समस्यांनी त्रासले असाल तर एक फेसपॅक अत्यंत फायदेशीर ठरेल. बाजारात अनेक प्रकारचे फेसपॅक उपलब्ध आहेत. पण त्यात वापरलेल्या रसायनांमुळे त्वचेचे नुकसान होऊ शकते. यासाठी मिल्क पावडरने असे बनवा फेसपॅक्स…
मुलतानी माती चेहऱ्याच्या देखभालीसाठी अत्यंत उपयुक्त आहे. विशेषतः तेलकट त्वचेसाठी ती अतिशय फायदेशीर ठरते. यासाठी मुलतानी माती आणि मिल्क पावडर समान प्रमाणात घ्या. त्यात पाणी घालून त्याची पेस्ट बनवा. गुलाबपाण्याचे काही थेंब घाला. त्यानंतर चेहऱ्याला लावा. सुकल्यानंतर कोमट पाण्याने चेहरा धुवा.
निस्तेज त्वचेवर तजे आणण्यासाठी चमचाभर मिल्क पावडरमध्ये दोन चमचे लिंबाचा रस घाला. नंतर हे मिश्रण चेहऱ्याला लावा. सुकल्यावर पाण्याने स्वच्छ धुवा.
पिंपल्सने त्रासले असाल तर मिल्क पावडरमध्ये मध आणि गुलाबपाणी घाला. पॅक चेहऱ्यावर १५ मिनिटे ठेवा आणि नंतर थंड पाण्याने चेहरा धुवा.
केसर असल्यास मिल्क पावडरमध्ये मिसळा आणि पेस्ट बनवा. हा पॅक चेहऱ्याला लावा. सुकल्यानंतर साध्या पाण्याने चेहरा स्वच्छ स्वच्छ पाण्यात धुवा.
आता सर्वच महिला त्याचप्रमाणे पुरूष देखील सतत आकर्षक आणि उठाव दिसण्यासाठी कायम प्रयत्न करत असतात. त्यासाठी अनेक सौंदर्य प्रसाधने देखील बाजारात उपलब्ध आहेत. परंतू हे रसायन मिश्रीत प्रसाधने काहींच्या त्वचेला घातक ठरतात. त्यामुळे अशा व्यक्तिंच्या त्वचेसाठी लसून एकमेव उपाय आहे.
स्ट्रेच मार्क्स दूर होतात : अनेकांच्या शरीरावर स्ट्रेच मार्क्स असतात. हे स्ट्रेच मार्क्स लठ्ठपणामुळे, आनुवंशिकता किंवा इतर कारणांमुळे शरीरावर येत असून ते लवकर जात नाही. लसणाचा रस काढून हा रस ऑलिव्ह ऑईलमध्ये मिसळा. हे मिश्रण गरम करा आणि थंड झाल्यानंतर ते स्ट्रेच मार्क्सवर लावून मसाज करा. दररोज हा उपाय केल्याने तुम्हाला नक्कीच फरक जाणवू शकतो.
चेहऱ्यावरील मुरूम दूर होतात : लसूण घासून त्याचा रस काढून घ्या आणि हा रस चेहऱ्यावरील मुरुमांवर लावा. ५ मिनिटांनंतर चेहरा धुवून घ्या. या उपायाने तुमच्या चेहऱ्यावर तुम्हाला नक्कीच फरक जाणवेल.
आपले ओठ अधिक सुंदर दिसावेत यासाठी महिला लिपस्टिकचा वापर करतात. मात्र, लिपस्टीकमध्ये असलेल्या केमीकल्समुळे ओठांवर याचा दुष्परीणाम होवून ओठ काळे पडतात. चेहऱ्याचे सौंदर्य ओठांवर अवलंबून असते आणि ओठांची त्वचा संवेदनशील असल्याने हवामानाचा ओठांवर लवकर प्रभाव दिसून येतो. त्यामुळे ओठांचे आरोग्य राखण्यासाठी हे घरगुती उपाय नक्की करा.
- ओठांचा काळसरपणा दूर करण्यासाठी काकडीचा रस ओठांवर लावा. यामुळे काळसरपणा तर दूर होईल शिवाय ओठांचा ओलावाही वाढण्यास मदत होईल.
- साखर आणि मध प्रत्येकी एक चमका घ्यावे. यात आल्याचा एक तुकडा बारीक कापून टाकावा हे मिश्रण व्यवस्थीत मिसळुन जेलप्रमाणे नियमित ओठांना लावावे.
- लिपस्टिकच्या अती वापरामुळे ओठांचे नुकसान होते. यासाठी बीटरूटचा एक तुकडा, मसाज केल्यासारखा हळूवारपणे ओठावरून फिरवा. यामुळे ओठांचे आरोग्य टिकून सौंदर्यही वाढण्यास मदत होईल.
प्रत्येक स्त्री सुंदर चेहऱ्यासाठी अनेक नवनवीन उपाय चेहऱ्यावर करत असते. त्यासाठी अनेक सौंदर्य प्रसाधनांचा देखील सर्रास वापर होतो. त्याचा वाईट परिणाम चेहऱ्यावर होत होते. कारण या प्रसाधनांमध्ये अनेक प्रकारच्या रसायनांचा वापर करण्यात आलेला असतो. परंतु या सुंदर त्वचेवर जर रोम छिद्र असतील तर चेहरा निस्तेज दिसतो. विशेषतः ज्यांची त्वचा तेलकट असते त्यांना रोम छिद्राची समस्या जास्त असते. वयाप्रमाणे हे छिद्र मोठे होतात. त्यामुळे या छिद्रांवर काही घरगुती उपाय फायदेशीर ठरतात.
काकडी आणि लिंबू - खुले रोम छिद्र घालवण्यासाठी तुम्ही काकडी आणि लिंबूचा वापरू शकता. काकडी आणि लिंबूचा रस एकत्र करुन लावल्याने चेहऱ्यावरील रोम छिद्र भरण्यास मदत होईल.
केळी - केळी त्वचेसाठीही फार गुणकारी आहे. आठवड्यातून दोनदा केळी मॅश करुन चेहऱ्यावर लावा. तुमच्या चेहऱ्याचे रोम छिद्र भरतील
दुध आणि ओट्स - २ चमचे ओट्समध्ये, १ चमचा गुलाबजल आणि १ चमचा मध एकत्र करुन घ्या. तयार केलेले मिश्रण १० मिनीटे चेहऱ्यावर लावा. त्यानंतर चेहरा स्वच्छ पाण्यात धूवा. चेहऱ्यावर असलेले.
उन्हाळ्यामध्ये जेव्हा पारा 40च्या आसपास पोहोचतो. त्यावेळी अंगाची अगदी लाहीलाही होते. अशातच पंखा किंवा कूलरही काही करू शकत नाही. अशातच एयर कंडिशनर म्हणजेच एसी हा एकमेव उपाय असतो. आपण दिवसभर सेंट्रलाइज्ड एसी ऑफिसमध्ये असतो आणि रात्रीसुद्धा एसीमध्येच झोपतो. हैराण करणाऱ्या उकाड्यापासून शांतता देणारा एसी हवाहवासा वाटला तरिही हा आरोग्याला अत्यंत नुकसान पोहोचवतो. जाणून घेऊया सतत एसीमधये राहिल्याने आरोग्यासोबतच सौंदर्याच्या होणाऱ्या समस्यांबाबत...
ताज्या हवेपासून दूर रहावं लागतं
एसी सुरू करताना आपल्याला दरवाजे आणि खिडक्या बंद ठेवणं गरजेचं असतं. त्यामुळे एसीची हवा बाहरे न जाता त्या खोलीतच राहते आणि तेथील वातावरण थंड राहते. अशातच आपल्यापर्यंत ताजी हवा पोहोचत नाही, जी आरोग्याला नुकसान पोहोचवणारी असते. त्यामुळे सतत थकवा जाणवतो. एसीचा डक्ट स्वच्छ नसेल तर तुम्हाला श्वासाशी निगडीत समस्या आणि लंग इन्फेकशन होऊ शकतं.
अत्यंत थंड वातावरण
अनेकदा आपण झोपलेले असतो, तेव्हा तापमान फार थंड होतं. पण जेव्हा आपण जागे असतो तेव्हातरी आपण ते मन्टेन करू शकतो. परंतु झोपलेलं असताना अनेकदा हे आपल्या आरोग्याच्या सहन करणाऱ्या क्षमतेपेक्षा कमी होते. थंडाव्यामुळे डोकेदुखी आणि पाठदुखी यांसारख्या समस्या होऊ शकतात. गरजेपेक्षा जास्त थंडाव्यामुळे सांधेदुखीच्या त्रासाचा सामना करावा लागतो.
कोरडपणा
एयर कंडिशनर हवेमधील ओलावा शोषून घेतो. एवढचं नाही तर हे आपली त्वचा आणि केसांचा ओलावा शोषून घेतात. ज्यामुळे स्किन आणि केस ड्राय होतात. एवढचं नाही कमी वायातच वाढत्या वयाची लक्षणं दिसू लागतात. तसेच यामुळे त्वचेशी निगडीत समस्या होऊ शकतात.
करा हे उपाय
तुम्ही ऑफिसचा एसी बंद करू शकत नाही. परंतु स्वतःला एसीची सवय लावून घेऊ नका. घरीदेखील कमीत कमी एसी लावा आणि तापमान नॉर्मल ठेवा. एसीमध्ये बसल्यानंतर त्वचेवर सतत मॉयश्चरायझर लावा.
जास्त पाणी प्या
एसीमध्ये बसल्यानंतर सतत पाणी पित रहा. ऑफिसमध्ये असाल तर मध्येमध्ये उठून अशा ठिकाणी जा जिथे तुम्हाला फ्रेश वातावरणात राहता येईल. ऑफिसनंतर संध्याकाळी किंवा सकाळी पार्कमध्ये फिरण्यासाठी जा.
टिप : वरील सर्व गोष्टी आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही.