जर आपण धूम्रपान पूर्ण पणे त्याग करण्याचे ठरवले असेल तर हे टिप्स आपल्यासाठी मदतगार सिद्ध होतील. जाणून घ्या उपयोगी टिप्स:
आपण विचार करत असाल की हळू-हळू ही सवय सोडू तर ते शक्य नाही. एकदाच काय ते निर्णय घेऊन आज पासून मन तयार करा.

धूम्रपान सोडल्यावर आपल्याला आधीपेक्षा अधिक भूक लागू शकते. अशात खूप गोड किंवा फॅट्स आढळणारे पदार्थ खाण्यापेक्षा हिरव्या भाज्या आणि फळ खावे.

सवय सोडणे अशक्य जाणवत असल्यास स्वत:ला प्रोत्साहित करा आणि आत्मविश्वास ढवळू देऊ नका. आपल्या प्रयत्नाला यश नक्कीच यश मिळेल.
या पासून बचावासाठी स्वत:ला आवडीच्या कार्यात व्यस्त ठेवा, असे काम करा ज्यात आपल्याला आनंद मिळत असेल. ताणापासून दूर राहा कारण ताण धूम्रपान करण्यासाठी प्रेरित करतं.

धूम्रपान सोडल्यामुळे आपल्याला पचन संबंधी समस्या उद्भवू शकतात किंवा आरोग्यावर विपरित परिणाम जाणवू शकतो. समाधानसाठी डॉक्टरांकडून सल्ला घ्यावा आणि स्वत:च प्रयत्न सुरु ठेवावे.

अगदी लहान वयात धूम्रपान करणारी मुले नंतर ड्रग्जच्या आहारी जात असल्याचे नुकत्याच करण्यात आलेल्या संशोधनात स्पष्ट झाले आहे.

कॅनडातील डी मॉन्ट्रियल विद्यापीठातील संशोधकांनी प्राथमिक शाळेतील विद्यार्थ्यांना ड्रग्जच्या धोक्याची माहिती करून देणे गरजेचे असल्याचे स्पष्ट केले. लहानपणी सुरू केलेल्या धूम्रपानाचा पुढे किती मोठा धोका निर्माण होतो याची माहिती मुलांना देण्याची गरज असल्याचेही संशोधक सांगतात. सध्या अनेक देशांत उघडपणे व्यसन केले जाते आणि समाजानेही त्याला मान्यता दिली आहे. मात्र त्याचा परिणाम घातक आहे, असेही संशोधकांनी सांगितले.१५ ते १७ या वयादरम्यान धूम्रपान सुरू केलेल्या मुलांमध्ये ड्रग्जकडे वळण्याचे प्रमाण ४४ टक्के इतके आहे.

१५ पेक्षाही कमी वयात धूम्रपान सुरू करणाऱ्यांमध्ये हे प्रमाण ६८ टक्के आहे. हे संशोधन कॅनेडियन जनरल ऑफ सायकेट्री या मासिकात प्रसिद्ध झाले आहे. या संदर्भात संशोधकांनी १०३० मुलांचा अभ्यास केला. १३ ते १७ वयोगटातील मुले गेल्या काही वर्षांपासून गांज्याच्या आहारी केल्याचे समजले. तर २० ते २८ वयोगटातील मुले गांजा, ड्रग्ज, कोकेन, हेरॉइन यांच्या आहारी गेल्याचीही धक्कादायक माहिती संशोधकांना मिळाली. आता या मुलांनी कधीपासून व्यसन सुरू केले याचा शोध संशोधकांनी घेण्यास सुरुवात केली. तर ही सर्व मुले अगदी लहानपणापासूनच व्यसनांच्या आहारी गेल्याची माहिती मिळाली. त्यानंतर ही मुले ड्रग्जपर्यंत पोहोचल्याचे स्पष्ट झाले.

धू्म्रपान आणि मद्यपान करणार्‍या व्यक्तीला आयुष्यभर एट्रियल फायब्रिलेशन (एएफ) नामक आजाराने ग्रस्त होण्याचा धोका असतो. या आजारामध्ये हृदयाचे ठोके अनियमित होतात, त्यामुळे रुग्ण ह्रदयविकाराचा झटका, पक्षघात, स्मृतिभ्रंश आदींची शिकार ठरू शकतो.

अमेरिकेतील युनिव्हर्सिटी स्कुल ऑफ पब्लिक हेल्थच्या शास्त्रज्ञांनी केलेल्या एका अध्ययनानुसार, धू्म्रपान व मद्यपानामुळे 55 वर्षे आणि त्यापेक्षा जास्त वयाच्या लोकांमध्ये एट्रियल फायब्रिलेशन आजाराचा धोका सुमारे 37 टक्के जास्त असतो.

शास्त्रज्ञांनी सांगितले की, आजाराच्या अल्पकाळ धोक्यासोबतच दीर्घकालीन धोक्याचा अंदाज बांधणे आवश्यक आहे. त्यामुळे आजाराची जलद ओळख होण्यासोबतच जीवनशैलीमध्ये बदल करून तिला नियंत्रित करणे सोपे जाते.

या अध्ययनासाठी शास्त्रज्ञांनी सुमारे 5 हजार लोकांच्या रक्तदाबाची आकडेवारी बॉडी मास इंडेक्स, मधुमेहासोबतच त्याचे धू्म्रपान व मद्यसेवानाची माहिती गोळा करण्यात आली.