Health Tips
Stay healthy by reading wellness advice from our top specialists.
Published  

झटपट वजन कमी करायचंय?; ट्राय करा कोथिंबीर, लिंबू, आलं आणि काकडीचं 'हे' ड्रिंक!

Dr. HelloDox Care #
HelloDox Care
Consult

अनियमित जीवनशैली आणि आहार यांमुळे तुम्हीही वाढत्या वजनाच्या समस्यांचा सामना करत आहात का? मग आता टेन्शन सोडा, आम्ही तुम्हाला एक खास आणि सोपा उपाय सांगणार आहोत. आतापर्यंत तुम्ही वजन कमी करण्यासाठी अनेक उपाय केले असतील. पण हा उपाय अत्यंत सोपा आणि फायदेशीर आहे. वजन कमी करण्यासाठी कमी कॅलरीमध्ये जास्तीत जास्त ऊर्जा देणाऱ्या डाएटची गरज असते. कारण जर तुम्ही वजन कमी करण्यासाठी कमी डाएट घेत असाल तर ऊर्जेची कमतरता जाणवू शकते. परंतु, या वेट लॉस डाएटमुळे तुम्ही तुमचं वजन अगदी सहज कमी करू शकता आणि ऊर्जेची कमतरताही भासणार नाही.

आपल्या सर्वांनाच माहीत आहे की, वाढत्या वजनामुळे शरीराच्या अनेक समस्यांचा सामना करावा लागतो. डायबिटीस, हार्ट अटॅक, हाय ब्लड प्रेशर यांसारखे अनेक आजार जडण्याचाही धोका असतो. तरिदेखील आपण सर्वचजण आपल्या वाढणाऱ्या वजनाकडे दुर्लक्षं करतो. आम्ही येथे कोथिंबीर, लिंबू, काकडी, आलं या पदार्थांपासून तयार करण्यात येणाऱ्या अशा वेट लॉस डाएटबाबत सांगणार आहोत, ज्यामुळे काही आठवड्यातच वजन कमी होण्यासाठी मदत होते.

या पदार्थाचं सेवन कधी करणं फायदेशीर :

द हेल्थ साइटने दिलेल्या वृत्तानुसार, जेव्हा तुम्ही वजन कमी करण्यासाठी डाएट आणि एक्सरसाइज टिप्स फॉलो करत असता त्याचवेळी तुम्ही या पदार्थाचंही सेवन करू शकता. यासाठी तुम्हाला विशेष तयारीही करावी लागत नाही.

घरामध्ये अगदी सहज आढळून येणाऱ्या 4 पदार्थांचा वापर करून तुम्ही अगदी सहज हा पदार्थ तयार करू शकता. यासाठी फार मेहनत घ्यावी लागत नाही. वेट लॉस डाएट तुम्ही दररोज रात्री झोपताना घेऊ शकता किंवा सकाळी नाश्त्यासोबतही याचं सेवन करू शकता.

हा पदार्थ तयार करण्यासाठी लागणारं साहित्य :

- कोथिंबीर
- काकडी
- लिंबू
- कोरफडीचा ज्यूस

असं करा तयार :

- सर्वात आधी कोथिंबीरी धुवून त्याची पानं वेगळी करून घ्या.
- मिक्सरच्या भांड्यामध्ये काकडीचे तुकडे घेऊन त्यामध्ये लिंबाचे पातळ स्लाइस एकत्र करा.
- 30 मिली ग्रॅम कोरफडीचा ज्यूस मिक्सरमध्ये एकत्र करा.
- सर्व साहित्य एकत्र करून वाटून घ्या.
- तुमचं वेट लॉस हेल्दी ड्रिंक तयार आहे.

वजन कमी करण्यासाठी करतं मदत :

- हे हेल्दी ड्रिंक वजन कमी करण्यासाठी अत्यंत फायदेशीर ठरतं. कोथिंबीरीमध्ये आढळून येणारं बिटा कॅरेटिन आणि व्हिटॅमिन सी वजन कमी करतं.
- याव्यतिरिक्त ड्रिंक तयार करण्यासाठी तयार करण्यात आलेले सर्व पदार्थ मेटाबॉलिज्म वाढवतात आणि वजन कमी करण्यासाठी मदत करतात.
- हे ड्रिंक तुम्हाला ओव्हर इटिंगपासून दूर ठेवतं. ज्यामुळे तुम्ही जास्त कॅलरीपासून दूर राहतात.
- या ड्रिंकच्या सेवनाने शरीरामध्ये जमा झालेले एक्स्ट्रा फॅट्स बर्न होण्यास मदत होते.

टिप : वरील सर्व गोष्टी आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येकाची शारीरिक क्षमता वेगळी असते. त्यामुळे कोणताही उपाय करण्याआधी तज्ज्ञांचा सल्ला घेणं आवश्यक ठरतं.

Published  

'या' व्हिटॅमिनमुळे कमी होतं वजन, वाचून लगेच व्हिटॅमिनच्या शोधात पळाल!

Dr. HelloDox Care #
HelloDox Care
Consult

सध्याच्या बदलत्या लाइफस्टाईलमुळे आणि डाएटकडे केल्या जाणाऱ्या दुर्लक्षामुळे अनेकांना व्हिटॅमिन कमतरतेच्या समस्येचा सामना करावा लागतोय. कोणत्याही प्रकारचं व्हिटॅमिन जर शरीरात कमी झालं जर त्या लोकांना वेगवेगळ्या आजारांचा सामना करावा लागू शकतो. शरीरासाठी आवश्यक व्हिटॅमिनपैकी एक म्हणजे व्हिटॅमिन एन(N) असतं. हे व्हिटॅमिन कमी झालं तर आरोग्यासाठी नुकसानकारक ठरतं. शरीरात जर व्हिटॅमिन एनचं योग्य प्रमाण असेल तर अस्थमा आणि हृदयासंबंधी आजार होण्याचा धोका कमी असतो. तसेच व्हिटॅमिन एनच्या सेवनाने लठ्ठपणाही कमी होतो. जर तुम्ही वजन कमी करण्याचा प्रयत्न करत असाल तर हे व्हिटॅमिन घ्यायला हवं.


शरीरात जर व्हिटॅमिन एन योग्य प्रमाणात राहिलं तर हृदय आणि फुप्फुसासंबंधी आजार होत नाहीत किंवा या आजारांचा धोका कमी राहतो. पण हे व्हिटॅमिन शरीराला शुद्ध वातावरण आणि निसर्गातून मिळतं. चला जाणून घेऊ व्हिटॅमिन एनमुळे कोणकोणत्या आजारांपासून बचाव केला जाऊ शकतो.

अस्थमापासून बचाव

व्हिटॅमिन एन जर तुम्ही योग्य प्रमाणात घेत असाल तर तुम्हाला अस्थमाचा धोका नसतो. जास्तीत जास्त वेळ निसर्गाच्या सानिध्यान घालवला तर लोकांचे फुप्फुसाचे रोगही कमी होतात.

वजन करा कमी

अनेक रिसर्चमधून हे समोर आलं आहे की, जे लोक व्हिटॅमिन एन योग्य प्रमाणात घेतात, त्यांना लठ्ठपणा होण्याची समस्या होत नाही. जे लोक निसर्गाच्या जवळ जास्त वेळ राहतात त्यांचं आरोग्य फिट राहतं आणि त्यांचा मेंदूही चांगला काम करतो.

हृदय राहतं निरोगी

जसे की, तुम्हाला माहिती पडले की, व्हिटॅमिन एन निसर्गाच्या आजूबाजूला राहून मिळतं. जे लोक निसर्गाच्या जवळ राहतात त्यांना हृदयासंबंधी आजार फार कमी होतात. नैसर्गिक वातावरणात फिरणे, व्यायाम करणे आणि राहिल्याने व्यक्तीचं आरोग्य चांगलं राहतं.

स्मरणशक्ती राहते चांगली

शुद्ध हवा आणि वातावरणात राहिल्याने मानसिक थकव्यापासून आराम मिळतो. ज्यामुळे तुमची स्मरणशक्ती आणि शिकण्याची क्षमता सुधारते. एका रिसर्चनुसार, साधारण ५० मिनिटांसाठी निसर्गाच्या सानिध्यात वेळ घालवणाऱ्या लोकांच्या व्यक्तीची स्मरणशक्ती चांगली राहते.

अल्झायमरचा धोका कमी

स्ट्रेस आणि डिप्रेशनमुळे सध्याच्या लोकांना अल्झायमरचा धोका अधिक वाढतो आहे. अशात निसर्गाच्या सानिध्यात राहिल्याने तुम्ही या गंभीर आजाराचा धोका कमी करू शकता. अल्झायमर एक अशी समस्या आहे ज्यात जास्तीत जास्त एक्सरसाइज करणे आणि झाडांच्या सानिध्यात राहिल्याने फायदा मिळतो.

अर्थात हे सगळे फायदे तुम्हाला तेव्हाच मिळतील जेव्हा तुमच्या शरीरात योग्य प्रमाणात व्हिटॅमिन एन असेल. जर तुम्हालाही हे आजार दूर ठेवायचे असतील आणि वजन कमी करायचं असेल तर व्हिटॅमिन एनचं प्रमाण चेक करा.

Published  

वजन कमी करण्याचं सोडा आता टेन्शन, वापरा 'या' सोप्या घरगुती टिप्स मग बघा कमाल!

Dr. HelloDox Care #
HelloDox Care
Consult

वजन कमी करायचं असेल तर लोकांना जिम जाण्याचा सल्ला दिला जातो. वेट लॉस वर्कआउटची अशात सतत चर्चा सुरू असते. मात्र जिमला न जाताही तुम्ही वजन कमी करू शकता. जिममध्ये तासंतास वर्कआउटचा फायदा तेव्हाच मिळतो, जेव्हा तुम्ही एक्सरसाइज योग्यप्रकारे करतो. तुम्ही घरीच वजन कमी करण्यासाठीची एक्सरसाइज करू शकता. अशात काही डाएट टिप्सही फॉलो कराल तर फायदा लवकर बघायला मिळेल.

जेव्हा तुम्ही कधी एखाद्या डाएट एक्सपर्टसोबत बोलता तेव्हा ते तुम्हाला हेच सांगतात की, केवळ डाएट बदलून फायदा होणार नाही. डाएटसोबतच तुम्हाला तुमच्या लाइफस्टाइलमध्येही बदल करावा लागेल. जर तुम्ही लाइफस्टाईलमध्ये काहीच बदल करणार नाही तर तुम्हाला काही फायदाही होणार नाही. त्यामुळे आज आम्ही तुम्हाला वजन कमी करण्याच्या काही सोप्या टिप्स सांगणार आहोत.

घरीच करा एक्सरसाइज

जर तुम्ही वजन कमी करण्यासाठी जिमला जाऊ शकत नसाल तर तुम्ही घरीच एक्सरसाइज केली पाहिजे. घरी एक्सरसाइज करताना तुम्हाला जिममधील कोणत्या उपकरणांची देखील गरज नसते. अनेक रिसर्चमधून हे समोर आलं आहे की, काही हलक्या आणि सोप्या एक्सरसाइज करूनही तुम्ही वजन कमी करू शकता. तुम्हाला घरीच एक्सरसाइज करायची असेल तर HIIT एक्सरसाइजबाबत जाणून घेतलं पाहिजे. याने तुम्हाला बराच फायदा होईल.

झोपेची वेळ निश्चित करा

जर तुम्हाला खरंच वजन कमी करायचं असेल तर तुम्ही तुमच्या झोपेची वेळ निश्चित करायला पाहिजे. कारण वेळेवर न झोपण्याच्या कारणामुळे शरीराचं मेटाबॉलिज्म प्रभावित होतं. खराब मेटाबॉलिज्म रेटमुळे लठ्ठपणा वाढतो. जेव्हा तुम्ही वेळेवर झोपता तेव्हा तुमची पचनक्रिया चांगली होते. याने तुम्हाला लठ्ठपणा दूर करण्यास मदत मिळेल.

वजन कमी करण्यासाठी पाणी किती प्यावे?

जर तुम्ही वजन करण्याचा प्रयत्न करत असाल तर तुम्ही भरपूर प्रमाणात पाणी प्यायला हवं. काही लोकांच्या मनात हा प्रश्न येतो की, वजन कमी करण्यासाठी किती पाणी प्यायला हवं? पण असं सांगणं चुकीचं ठरेल. कारण प्रत्येकाची गरज वेगवेगळी असते. मात्र, सामान्यपणे वजन कमी करण्यासाठी भरपूर पाणी थोड्या थोड्या वेळाने पित रहावे. पाणी पिताना याची काळजी घ्या की, एकाच वेळी भरपूर पाणी पिऊ नये.

गरम पाणी आणि लिंबू

जर तुम्ही लठ्ठपणाचे शिकार झाले असाल तुमच्या रुटीनमध्ये तुम्ही सकाळी गरम पाण्यात लिंबाचा रस मिश्रित करून सेवन करावं. तसा तर हा सर्वात प्रसिद्ध घरगुती उपाय आहे. गरम पाण्यासोबत लिंबाचा रस सेवन केल्याने तुमची पचनक्रिया चांगली होते. सोबतच आतड्यांची सूजही कमी होते. जर तुमच्या पोटाचा घेर अधिक वाढला असेल याने तुम्हाला कमी करण्यास फायदा होईल.

वजन कमी करण्यासाठी चॉकलेट डाएट

अनेक रिसर्चमधून हे समोर आलं आहे की, वजन कमी करण्यासाठी डार्क चॉकलेट खायला पाहिजे. याचा अर्थ हा नाही की, एकाच दिवशी खूपसारे चॉकलेट खावेत. रोज डार्क चॉकलेटचा एक तुकडा खावा. यानेही फायदा होईल.

ग्रीन टी

अनेक रिसर्चमधून समोर आलं आहे की, ग्रीन टीमुळे वजन कमी करण्यास मिळते. जे लोक वजन कमी करण्याचा प्रक्रियेत असतात. रोज कमीत कमी २ कप ग्रीन टी सेवन करावी. ग्रीन टीमध्ये कॅटेचिन नावाचा पदार्थ असतो, ज्याने शरीराचं मेटाबॉलिज्म वाढण्यास मदत मिळते.

(टिप : वरील लेखात सल्ले हे केवळ माहिती म्हणून देण्यात आले आहेत. यातील कोणत्याही उपायाचा वापर करण्याआधी एकदा तज्ज्ञांचा सल्ला नक्की घ्यावा.)

Published  

तुमच्या सकाळच्या 'या' 4 सवयी वजन कमी करण्यासाठी ठरतील फायदेशीर

Dr. HelloDox Care #
HelloDox Care
Consult

सकाळच्या चांगल्या सवयी सगळेच सांगतात. काही लोक तर गोंधळून जातात. त्यांना समजतचं नाही की, सकाळच्या चांगल्या सवयी म्हणजे नेमकं काय? तुम्हीही अशाच विचारात असाल तर तुम्हाला हैराण होण्याची गरज नाही. आम्ही तुम्हाला सकाळच्या अशा चांगल्या सवयींबाबत सांगणार आहोत, ज्या तुम्हाला वजन कमी करण्यासाठी फायदेशीर ठरतात. जर तुम्ही दररोज सकाळी उठल्यानंतर सवयींनुसार ही कामं केली तर तुम्हाला वजन कमी करण्यासाठी मदत होते.

सकाळच्या वेळी काही कामं सतर्क राहून केली तर वजन नियंत्रणात राहतं. सकाळच्या या चार सवयी आहेत, ज्या तुम्हाला शरीराच्या समस्यांपासून आणि आजारांपासून दूर राहण्यासाठी मदत करतात. आता तुम्हाला वाटत असेल की, या सवयी अंगीकारण्यासाठी तुम्हाला फार मेहनत घ्यावी लागेल किंवा फार कष्ट करावे लागतील. तर असं काहीच नाही. या सवयी फार सोप्य आहेत. तुम्हाला सवयींचा फायदा व्हावा असं वाटत असेल तर त्यांना नियमित काटेकोरपणाने फॉलो करावं लागेल. सकाळची वेळ सूर्यकिरणांसोबत नवीन ऊर्जा घेऊन येतो आणि तो अनेक प्रकारची पोषक तत्व वाढविण्यासाठीही काम करतात.

सूर्याची किरणं

दररोज सकाळी अंथरून सोडल्यानंतर थोडा वेळ उन्हामध्ये उभं राहा. खासकरून सकाळी 6 ते 10 वाजेपर्यंत जर तुम्ही ऊन्हामध्ये जात असाल तर शरीराला ऊर्जा मिळते. तसेच मूडही उत्तम राहतो. एका संशोधनानुसार, ज्या व्यक्ती दररोज सकाळी सूर्यप्रकाशात उभे राहतात. त्यांचं बॉडी मास इंडेक्स उत्तम राहतं. त्यामुळे सकाळच्या चांगल्या सवयींमध्ये तुम्ही या सवयीचा प्रामुख्याने समावेश करणं फायदेशीर ठरतं.

व्यायाम करा

कोणत्याही वेळी एक्सरसाइज करणं शरीरासाठी अत्यंत फायदेशीर ठरतं. हे तुमच्या शरीरातील मेटाबॉलिज्म ठिक करण्यासाठी मदत करतं. ज्यामुळे वजन कमी होतं. जर तुम्हाला सकाळी उठल्यानंतर अस्वस्थ वाटत असेल तर एक्सरसाइज केल्यामुळे तुमचा मूड उत्तम होतो. तसेच अस्वस्थताही दूर होते.

नाश्ता

अनेक संशोधनांनुसरा, ज्या व्यक्ती नाश्ता करत नाहीत. त्यांना लठ्ठपणाच्या समस्येचा सामना करावा लागतो. परंतु नाश्ता केल्याने शरीराच्या अनेक समस्या दूर होतात. तसेच आरोग्यासाठीही फायदेशीर ठरतं. यामुळे शरीरातील मेटाबॉलिज्मची प्रक्रिया सुरळीत होते आणि मूड चांगला राहतो. याव्यतिरिक्त रक्तामध्ये ग्लूकोजचं प्रमाण संतुलित करण्यासाठीही मदत होते.

नाश्त्यासाठी अंडी, केळी एवोकाडो खाणं शरीरासाठी फायदेशीर ठरतं. सकाळच्या नाश्त्यामध्ये तुम्ही जे पदार्थ खाता. त्यांच्यासाठी व्हिटॅमिन आणि पोषक त्व वजन कमी करण्यासाठी मदत करतात.

स्ट्रेचिंग करा

जसं तुम्ही सकाळी उठता तेव्हा थोडीशी स्ट्रेचिंग करणं फायदेशीर ठरतं. तुम्ही तुमचा दिवस चांगला व्यतित करण्यासाठी सकाळी उठून स्ट्रेचिंग करणं आवश्यक असतं. खासकरून गुडघे आणि मणक्यासाठी फायदेशीर ठरणाऱ्या एक्सरसाइज करणं फायदेशीर असतं.

वरील सर्व गोष्टींचा सकाळच्या सवयींमध्ये समावेश करा. वजन कमी होण्यासोबतच आरोग्य उत्तम राखण्यासाठीही करतात मदत.

टिप : वरील सर्व गोष्टी आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. त्यामुळे कोणताही उपाय करण्याआधी तज्ज्ञांचा सल्ला नक्की घ्या.

Published  

पोटावरील चरबी कमी करण्यासोबतच शरीर फिट ठेवतं पायलेट्स वर्कआउट, जाणून घ्या फायदे!

Dr. HelloDox Care #
HelloDox Care
Consult

करिना कपूर, दीपिका पादुकोन आणि सारा अली खान या बॉलिवूड अभिनेत्रींचे सोशल मीडियात नेहमीच पायलेट्स एक्सरसाइज करतानाचे फोटो व्हायरल होत असतात. त्यामुळे गेल्या काही दिवसांपासून पायलेट्स एक्सरसाइज चांगलीच ट्रेन्डमध्ये आहे. बॉलिवूड अभिनेत्री ही एक्सरसाइज अधिक फॉलो करतात. पायलेट्स वर्कआउटने वेट लॉससोबतच फॅट लॉस आणि बॉडी टोनिंगसाठी मदत मिळते. महिला जर हा वर्कआउट फॉलो करतील तर त्यांच्या लोअर बॉडीतील फॅट कमी होईल.

मांसपेशी मजबूत करण्यासाठी पायलेट्स एक्सरसाइज फार चांगली मानली जाते. पायलेट्स एकप्रकारे बॉडी बिल्डींगची एक टेक्निक आहे. जी मांसपेशी आणि श्वास घेण्याची प्रक्रिया स्ट्रॉंग करते. आज आम्ही तुम्हाला सांगणार आहोत या एक्सरसाइजचे फायदे.

कशी करतात ही एक्सरसाइज?

एक्सरसाइज सिस्टीम जर्मन एक्सपर्ट जोसफ पायलेट्स ने वर्ष १८८३ मध्ये डेव्हलेप केली होती. याच्या वेगवेगळ्या टेक्निक असतात. चला जाणून घेऊ कशी करतात ही एक्सरसाइज.

स्टॅंडिंग रोल डाउन

सरळ उभे राहून श्वास घेत दोन्ही हात वर घ्या. नंतर श्वास सोडत पुढच्या बाजूने वाकावे. यावेळी पाठ समांतर असावी. आता हात आणि शरीराचा पुढचा भाग सरळ करून मागच्या बाजूने खुर्चीवर बसल्याच्या स्थितीत या. नंतर सरळ उभे रहा आणि हात बगलेत घ्या. ही एक्सरसाइज कमीत कमी ३ वेळा करा.

थाई स्ट्रेच

पाय फोल्ड करून गुडघ्यांवर बसा आणि डोक्यापासून पायांपर्यंत शरीर सरळ ठेवा. नंतर तुमचे दोन्ही हात खांद्याच्या समोर सरळ करा. दोन्ही हात खाली करा आणि शरीराचा वरील भाग मागच्या बाजूने ४५ डिग्रीपर्यंत वाकवण्याचा प्रयत्न करा. ही एक्सरसाइज ५ वेळा करा.

बल लेग स्ट्रेच

जमिनीवर चटई टाकून सरळ झोपा आणि मान जमिनीपासून थोडी वर उचला. नंतर दोन्ही हात मागच्या बाजूने घ्या. आता पाय गुडघ्यापासून वाकवून छातीजवळ घ्या आणि दोन्ही हातांनी पाय पकडा. नंतर आधीच्या स्थितीत परत या. ही एक्सरसाइज ५ वेळा करा.

काय होतात फायदे?

1) नियमितपणे पायलेट्स एक्सरसाइज केल्याने तुम्हाला काही आठवड्यात स्तनांच्या आकारात परिवर्तन बघायला मिळेल.

२) पायलेट्समध्ये ब्रिदींग एक्सरसाइजचाही समावेश असतो. ज्याने फुप्फुसं आणि रक्तप्रवाह व्यवस्थित राहतो.

३) पायलेट्समुळे शरीराची एनर्जी लेव्हल वाढते, तसेच मेंदू आणि मसल्समध्ये ताळमेळ बसवण्यासाठीही पिलाटे एक्सरसाइज करायला हवी.

४) जर तुम्हालाही मांसपेशी आकर्षक आणि मजबूत करायच्या असतील तर पायलेट्स एक्सरसाइज चांगला पर्याय आहे. ही एक्सरसाइज केल्याने तुमच्या मसल्स बारीक, लांब आणि आकर्षक दिसतील.

५) जर तुम्हाला समोर आलेलं पोट कमी करायचं असेल तर ही एक्सरसाइज चांगला पर्याय आहे. ही एक्सरसाइज कमी करून काही आठवड्यात तुम्ही पोट कमी करू शकता.

६) रोज ४५ मिनिटांची एक्सरसाइज करून तुमचा मेंदूही फिट राहील. त्यासोबतच नियमितपणे ही एक्सरसाइज केल्याने तणाव, टेन्शन आणि स्ट्रेसची समस्याही दूर होते.

Dr. Devendra Khairnar
Dr. Devendra Khairnar
MD - Allopathy, Pediatrician, 8 yrs, Pune
Dr. Smita Darshankar
Dr. Smita Darshankar
BAMS, Ayurveda, 25 yrs, Pune
Dr. Smita  Patil
Dr. Smita Patil
BHMS, Homeopath, 15 yrs, Pune
Dr. Mangesh Khandave
Dr. Mangesh Khandave
DNB, Pediatrician, 17 yrs, Pune
Dr. Chandrashekhar Jadhav
Dr. Chandrashekhar Jadhav
BAMS, Ayurveda Child Abuse Pediatrician, 15 yrs, Pune
Hellodox
x