सतत उभे राहणार्‍यांमध्ये, सतत हाय हिल्स घालून चालल्यानेही पायदुखीचा आणि प्रामुख्याने टाचा दुखतात. स्टाइल्सच्या या काही कारणांसोबतच शरीरात पोषकतत्त्वांची कमतर्ता असल्यास, साखर, फॅट्स, हार्मोन्स यांच्या असंतुलनामुळे टाचा दुखतात. टाच्यांच्या दुखण्यापासून आराम मिळवण्यासाठी नेमकं काय करावं? हे अनेकांना ठाऊक नसते. त्यामुळे टाचांच्या दुखण्यापासून आराम मिळवण्यासाठी काही घरगुती उपाय मदत करतात.

टाचदुखीपासून आराम मिळवण्यासाठी घरगुती उपाय
1. टाचांच्या दुखण्यापासून आराम मिळवण्यासाठी दिवसांतून किमान 3 वेळेस नारळाच्या तेलाने किंवा मोहरीच्या तेलाने मसाज करा.

2. हळदीमध्ये अ‍ॅन्टी ऑक्सिडंट घटक मुबलक प्रमाणात असतात. टाचदुखीपासून सुटका मिळवण्यासाठी ग्लासभर दूधात हळद व मध मिसळून प्यावे.


3. टाचा दुखत असतील टपअम्ध्ये कोमट पाणी घेऊन त्यात मीठ मिसळा. या पाण्यात पाय बुडवून काही वेळ बसल्याने थकवा कमी होण्यास, टाचदुखीचा त्रास काम होण्यास मदत होईल.

4. नियमित सकाळी रिकाम्यापोटी कोरफडीचा रस प्यावा. यामुळे वारंवार टाचदुखीचा त्रास असणार्‍यांना आराम मिळतो.

एड्स हा असा रोग आहे ज्यामुळे व्यक्तीचा मृत्यू संभवतो. एड्स कोणत्याही वयात होऊ शकतो. एड्स हा व्यक्तिचं संपूर्ण शरीर हळूहळू निकामी करतो. महत्वाचं म्हणजे या रोगावर अजून कोणत्याही देशात औषध सापडलेलं नाही. पण खूप कमी लोकांना ही गोष्ट माहीत असेल की एड्स कसा आणि कधी होतो.

एड्स कसा होतो?

एड्स हा फक्त लैंगिक संबंध ठेवल्यानेच होतो असे नाही तर ज्याला हा रोग झालाय त्या व्यक्तीचं रक्त जर तुमच्या शरीरात गेलं तरी तो होऊ शकतो. किंवा त्या व्यक्तीला टोचलेली सुई जरी दुसऱ्याला टोचली गेली तरी हा रोग होऊ शकतो.


किती दिवसात होतो?
एड्सचा व्हायरस शरीरात गेल्यानंतर संपूर्ण शरीरात पोहचण्यासाठी त्याला 10 वर्ष लागतात. हा व्हायरस आणखी कमी दिवसांमध्ये पण शरीरात पसरू शकतो. वयानुसार तो शरीरात पसरतो.

प्राथमिक संकेत
निरुत्साही आणि सारखं थकल्या सारखं वाटणे, शरीरात दुखणं, उलटी होणं ही एड्सची प्राथमिक लक्षणे आहेत. अशा प्रकारे जर त्रास होत असेल तर लगेचच रुग्णालयात जाऊन त्याची तपासणी केली पाहिजे

पॉलीसिस्टिक ओवरी सिंड्रोम असणार्‍या महिलांच्या बाळांमध्ये ऑटिझम बळावण्याची शक्यता अधिक असते असे काही दिवसांपूर्वी एका रिपोर्टद्वारा जाहीर करण्यात आले होते. नव्या जाहीर करण्यात आलेल्या अहवालानुसार, भारतामध्ये दर पाच पैकी एका महिलेत पीसीओएसचा त्रास बळावल्याचे दिसून आले आहे.

पीसीओएसचा त्रास हा केवळ महिलांच्या मासिकपाळीच्या समस्येपुरता मर्यादीत नाही. मासिकपाळीसोबतच स्त्रियांमध्ये या आजारातून इतरही समस्या वाढण्याचा धोका अधिक आहे.

कोणकोणत्या आजारांचा धोका बळावतोय ?
पॉलीसिस्टिक ओवरी सिंड्रोम (पीसीओएस) ही एक सार्वजनिक स्वास्थ्य समस्या आहे. त्यामुळे त्याचे वेळीच निदान आणि उपचार होणं गरजेचे आहे. यामधून महिलांमध्ये उच्च रक्तदाब, कोलेस्ट्रेरॉलची पातळी वाढणं, नैराश्य वाढणं, स्लिप अ‍ॅप्निया, हृद्यविकार, मधुमेह, एंडोमेट्रियल, ब्रेस्ट कॅन्सरचा धोका वाढत आहे.


पीसीओएसचा त्रास असणार्‍यांमध्ये इंसुलिनची पातळी आणि कार्य बिघडण्यासही कारणीभूत ठरत आहे. यामधून वजन वाढणं, वंध्यत्त्व, चेहर्‍यावर अ‍ॅक्ने वाढणं, अनावश्यक केस वाढणं, डोकेदुखी, मूड स्विंग, झोपेचे विकार बळावतात.

आहारत करा बदल
महिलांचा आहारात ब्रोकोली, फ्लॉवर, पालक यासरखे फायबरचं प्रमाण अधिक असलेल्या भाज्यांचा आहारात समावेश करणं फायदेशीर आहे. बदाम, अक्रोड, ओमेगा आणि फॅटी अ‍ॅसिडयुक्त पदार्थांचा समावेश करा.

दोन वेळेस भरपूर खाण्यापेक्षा थोड्या थोड्या वेळाने पाच वेळेस खाण्याची सवय लावा. यामुळे मेटॅबॉलिझमचं कार्य उत्तम राहते. नियमित अर्धा तास व्यायाम करा.

धुम्रपान, मद्यपानासारख्या व्यसनांपासून दूर रहा.

तरूणपणात तुम्ही करत असलेल्या काही चूकांमुळे पुढे आयुष्यभर त्याचा त्रास होण्याची शक्यता असते. म्हणूनच काही चांगल्या सवयी तुम्ही सुरूवातीपासून आजमवल्यास भविष्यात त्याचा त्रास होत नाही. त्यामुळे आजपासूनच या सवयी तुम्हांला असल्यास त्यापासून परावृत्त व्हा.

कोणत्या सवयी टाळणं अत्यावश्यक आहे ?
गरम पाणी -
अनेकांना सकाळी उठल्यावर अतिशय गरम पाण्याने आंघोळ करण्याची सवय असते. अशामुळे चेहर्‍यावरील अकाली सुरकुत्यांचा त्रास वाढतो.

ब्रेकफास्ट न करणं -
अनेकदा सकाळी लोकांची घाई गडबड असते. त्यामुळे धकाधकीच्या जीवनात लोकं वेळेत नाश्ता करत नाही. यामुळे तुम्ही विनाकारण तुम्ही अनेक तास उपाशी राहता. यामुळे शरीराला मुबलक एनर्जी / उर्जा मिळत नाही. यामधूनच काही आजारांचा धोकाही वाढतो.


उशीरा झोपणं -
अनेक तरूणांना रात्री विनाकारण जागण्याची सवय असते. यामुळे नकळत आपल्यावरील ताण वाढतो. हळूहळू या सवयीमधून तुमची दिवसाची सुरूवातही तणावाने होते. यामुळे पचनाचा त्रास वाढणे, अपचन होणं हा त्रास अधिक वाढतो.

सिगारेट -
काही लोकांमध्ये सकाळी उठताच सिगारेट पिण्याची सवय असते. यामुळे आरोग्यावर गंभीर परिणाम होतो.

अनेक मुली चेहर्‍यावरील अनावश्यक केस ब्राऊन करण्यासाठी, टॅनिंग, डार्क स्पॉट, चेहर्‍यावरील डाग दूर करण्यासाठी ब्लिचिंग करतात. ब्लिचिंगमुळे चेहर्‍यावरील छुपी घाण, प्रदुषणामुळे होणारे नुकसान टाळण्यासाठी मदत होते.

ब्लिचिंगमध्ये केमिकल घटक अधिक असतात. अनेकदा संवेदनशील त्वचेला त्यामुळे नुकसान होऊ शकते. काहींना जळजळ जाणवते. ब्लिचमुळे तुमच्या त्वचेवरही जळजळ होत असल्यास काही खास टीप्स लक्षात ठेवा.

1. ब्लिच करण्यापूर्वी त्याची पॅचटेस्ट नक्की करून घ्या. थेट त्वचेवर लावण्याआधी हातावर त्याची पॅच टेस्ट करा. जर जळजळ जाणवल्यास त्याचा वापर करण्यासाठि योग्य तज्ञांचा सल्ला घ्या.
त्रास टाळण्यासाठी बाजारात अनेक हर्बल, लाईट अमोनियायुक्त ब्लिचचा वापर करा.


2. अनेकदा बाजारात शरीरासाठी आणि चेहर्‍यासाठी वेगवेगळे ब्लिच उपलब्ध असतात. मात्र मुली ते विकत घेताना पुरेशी काळजी घेत नाहीत. त्यामुळे दोघांमधील फरक न समजल्याने, चूकीच्या ब्लीचची निवड केल्याने त्रास होऊ शकतो.

3. ब्लिच करण्यापूर्वी चेहर्‍यावर बर्फाचा मसाज करणं फायदेशीर आहे. 2-3 मिनिटं बर्फाचा मसाज केल्याने चेहर्‍याला होणारा त्रास कमी होतो.

4. अमोनिया फ्री ब्लिचमुळे त्वचेला नुकसान होत नाही. त्याचा वापर केल्याने त्वचेवर लालसरपणा वाढणं, खाज येणं, अ‍ॅलर्जीचा धोकाही कमी होतो.