मुंबई : फिट राहण्यासाठी ग्रीन टी घेण्याचा पर्याय अनेकजम निवडतात. सेलिब्रेटीही यात मागे नाहीत. बदलत्या जीवनशैलीमुळे तसेच कामाच्या वाढत्या तणावामुळे गेल्या काही वर्षांपासून ग्रीन टीचे सेवन वाढलेय.वजन कमी करण्यासाठी ग्रीन टी अतिशय फायदेशीर असल्याचे आपण जाणतोच पण त्याचबरोबर अनेक आरोग्यदायी फायद्यांसाठी ग्रीन टी पिणे उपयुक्त ठरेल. तुम्हाला आहे का ग्रीन टी घेण्याची सवय? नसल्यास ती लावून घ्या. कारण ग्रीन टी मुळे फक्त वजनच कमी होणार नाही तर आरोग्याच्या इतर अनेक समस्याही दूर राहतील. तर मग हे वंडर ड्रिंक्स घेण्यास कधीपासून सुरुवात करताय?

उच्च रक्तदाब
उच्च रक्तदाब असल्यास ग्रीन टी चे सेवन करा. यामुळे बीपी नियंत्रित राहण्यास मदत होईल.

कोलेस्ट्रॉल
कोलेस्ट्रॉलची समस्या असलेल्यांसाठी ग्रीन टी फायदेशीर ठरते. त्यामुळे बॅड कोलेस्ट्रॉल कमी होऊन गुड कोलेस्ट्रॉल वाढवण्यास मदत होते.

मधुमेह
शरीरात साखरेची पातळी वाढली असल्यास ग्रीन टी उपयुक्त ठरते. मधुमेहींनी जेवणानंतर ग्रीन टी चे सेवन करावे.

स्थुलता
ग्रीन टीच्या सेवनामुळे वाढलेले वजन कमी होण्यास मदत होतो. ग्रीन टी घेतल्याने मेटाबॉलिझम सुधारते. परिणामी शरीरात फॅट्स जमा होत नाहीत.

कर्करोगाशी लढण्यासाठी
‘ग्रीन टी’ मध्ये मुबलक प्रमाणात आढळणारे अ‍ॅन्टीऑक्सिडंट घटक शरीराला कोणत्याही प्रकारच्या कर्करोगाशी अधिक सक्षमतेने लढण्यासाठी तयार करते. या अ‍ॅन्टीऑक्सिडंट घटकांमुळे शरीरात फ्री रॅडीकल्सचा प्रभाव कमी होतो. अ‍ॅन्टीऑक्सिडंट घटक त्या रॅडीकल्सचा वेळीच नाश करतात.

* पित्त पाडण्यासाठी पाणी घालून कडुलिंबाच्या पानांचा रस काढा. हा रस पोटभर प्यावा. उलटी होऊन पित्त पडते. * गरमीवर कडुलिंबाच्या पानांचा रस खडीसाखर टाकून सकाळ-संध्याकाळ घ्यावा. कसलीही गरमी असली तरी 7 दिवसात बरी होते.
* खरजेवर कडुलिंबाच्या बिया वाटून लावल्याने खरूज बरी होते.
* कडुलिंबाच्या बिया वाटून डोक्याला लावल्यावर उवा मरतात.
* कावीळ रोगावर कडुलिंबाच्या अंतर सालीचा कपभर रस काढून त्यांत मध व थोडे सुंठीचे चूर्ण घालून द्यावे. 7 दिवसात कावीळ जातो.
* मूळव्याध, कृमी व प्रमेह यांवर कडुलिंबाची कोवळी फळे खावी.
* कडुलिंबाच्या लिंबाचा मगज काढून वातीस लावा, तिळाचे तेलाचा दिवा लावून काजळ करावे. या काजळाने नेत्रांस तेज येतो.
* पापण्यांचे केस गळत असल्यास कडुलिंबाची पाने चुरून पापण्यांस चोळावी.

कोणत्याही पदार्थांला चमचमीत बनविण्यासाठी त्यात फोडणी घातली जाते ज्याने सर्व मसाल्यांचा स्वाद त्यात मिसळला पाहिजे. पण आपल्याला हे माहीत आहे का फोडणी देण्याचे अनेक फायदे आहेत. जाणून घ्या असेच 5 फायदे:
1 फोडणीमुळे रोग प्रतिकार शक्ती वाढते आणि यामुळे इन्फेक्शन आणि सर्दी-खोकल्यापासून बचावा होतो. याचे मुख्य कारण यात लसणाचा वापर. लसूण आरोग्यासाठी उत्तम असतो.

2 हे आपल्या शरीरातील विविध अवयवांमध्ये होणार्‍या वेदनांपासून मुक्ती देतं. कारण यात अख्खे मसाले, जसे लाल मिरची, काळी मिरे इतर मसाले वापरले जातात जे व्हिटॅमिन्ससह वेदनांपासून मुक्ती देतात. लठ्ठपणावर ही उपयोगी आहे.
3 फोडणीत पडणार्‍या मोहर्‍या, जिरा याने पचन संबंधी समस्या सुटतात. यासह याने स्नायू आणि हाडांमध्ये होणार्‍या वेदनांपासून सुटकारा मिळतो. एवढेच नव्हे तर कोलेस्टेरॉल कमी करण्यात आणि इम्यून पावर वाढवण्यात ही मदत करतं.

4 कढीपत्ता घातल्याशिवाय फोडणीला स्वाद नाही. स्वादासह पत्ता अनेक व्हिटॅमिन्स प्रदान करतं आणि पचन तंत्र व हृद्याचे आरोग्य सुरळीत ठेवण्यात मदत करतं. मधुमेहापासून बचावासाठी तसेच केस काळे ठेवण्यासाठी हा उपाय लाभदायक आहे.
5 फोडणीत हळद वापरल्याने इन्फेक्शनपासून बचाव होतो आणि अँटीबायोटिक तत्त्व, रोग प्रतिकार क्षमता वाढून आरोग्याची रक्षा होते. याने सर्दीपासून देखील बचाव होतो.

अगस्त्यच्या बियांची पूड तीन ग्रॅम ते दहा ग्रॅमपर्यंत गायीच्या धरोष्ण २५० ग्रॅम दुधसोबत सकाळ-संध्याकाळ काही दिवसांपर्यंत घेतल्याने स्मरण शक्तीत वाढ होते.

अशोकचे साल, ब्राह्मी पूड समप्रमाणात एकत्रा करून एक-एक चमचा सकाळ-संध्याकाळ एक कप दुधबरोबर नियमितपणे काही महिने घेतल्याने बुद्धीत वाढ होते.


शंखपुष्पीची ३-६ ग्रॅम पूड मधात घालून चाटावी आणि वरून दूध प्यावे. याच्या सेवनाने बुद्धीचे योग्य विकास होते.


३-६ ग्रॅम शंखपुष्पी पूड साखर आणि दुधबरोबर नेहमी सकाळी घेतल्याने स्मरण शक्ती वाढते.

शंखपुष्पी २-४ ग्रॅम आणि वचा १ ग्रॅम पूड मुलांना दिल्याने खूपच बुद्धिमान आणि शहाणे होतात.


सकाळी शंखपुष्पीचे थोडे पाणी घालून रस काढता येते शुद्ध रस १०-२० मिलीग्रॅम किंवा २-४ ग्रॅम पूड मध, तूप आणि साखरेबरोबर सहा महिन्यांपर्यंत सेवन करीत राहिल्याने स्मरणशक्ती आणि बुद्धीत वाढ होते.


दूध,तूप किंवा पाण्यासोबत वचाच्या खोडीची पूड २५० मिलीग्रॅमच्या प्रमाणात दिवसातून दोन-तीन वेळा एका वर्षापर्यंत किंवा किमान एक महिन्यापर्यंत घेतल्याने स्मरणशक्तीत वाढ होते.

१० ग्रॅम वचा पूड २५० ग्रॅम खांडसरीसोबत पाक करून रोज १० ग्रॅम सकाळ-संध्याकाळ खाण्याने विसरण्याची सवय दूर होते

मुंबई : तुमच्याही कंबरेजवळील भाग अधिक सुटू लागल्याचे तुम्हाला जाणवते का? कारण आजकाल ही समस्या अगदी सामान्य झाली असून अनेकजण त्यामुळे त्रस्त आहेत. यासाठी फक्त जंक फूड कारणीभूत नसून अनेक गोष्टी जबाबदार आहेत. आपली गुंतागुतीची आणि धावपळीची जीवनशैली देखील याला जबाबदार ठरते.

पुरेशी झोप न घेणे:
अपुऱ्या झोपेचा परिणाम कंबरेजवळील चरबी सुटण्यावर होतो. पुरेशी झोप न घेणे हे दिवसाला ३०० अधिक कॅलरीज घेण्यासमान आहे.

तुमची बॉडी अँपल शेप असल्यास:
जर तुमची बॉडी अँपल शेप असेल तर मांड्या, पार्श्वभागाऐवजी कंबरेजवळील भाग सुटण्याची शक्यता अधिक असते. जर तुम्हाला जेनेटीकरित्या असा त्रास असेल आणि तुमची अँपल शेप बॉडी असेल तर त्यापासून सुटका मिळवणे काहीसे कठीण आहे.

तुम्ही दिवसभर बसून असल्यास:
दिवसभर बसून राहिल्याने वजन वाढते. विशेषतः शरीराच्या खालच्या भागाचे ( lower body) वजन अधिक वाढते. जर तुमचे काम बैठ्या स्वरूपाचे असेल तर मध्ये मध्ये ब्रेक घ्या आणि थोडं फिरून या.

अयोग्य फॅट्सचे सेवन:
मटण, दुग्धजन्य पदार्थ यांसारख्या सॅच्युरेटेड फॅट्सच्या अति सेवनाने visceral fat वाढीस लागते आणि कंबरेजवळील भागात जमा होऊ लागतात.

तणावग्रस्त असल्यास:
जर तुम्ही तणावग्रस्त असाल तर तुमच्या कंबरेजवळ अधिक फॅट्स जमा होण्याची शक्यता जास्त असते. cortisol हे स्ट्रेस हार्मोन कंबरेभोवती visceral fat जमा होण्यास कारणीभूत ठरते.

रात्री उशिरा जेवण्याची सवय:
जर तुम्ही रात्री उशिरा जेवत असाल तर झोपेत फॅट्सचे ऊर्जेत रूपांतर करणे शरीराला कठीण जाते. त्यामुळे चरबी वाढते. तसंच अपचन, अॅसिडिटी सारख्या समस्यांना देखील सामोरे जावे लागते.