Hellodox on Facebook Hellodox on Facebook Hellodox on linkedin Hellodox on whatsup Hellodox on Twitter
बीआरसीए चाचणी
#वैद्यकीय चाचणी तपशील#बीआरसीए चाचणी

बीआरसीए चाचणी म्हणजे काय?
बीआरसीए चाचणी बीआरसीए 1 आणि बीआरसीए 2 नावाच्या जनुकांमधील बदल शोधण्यासाठी वापरल्या जाते, जे म्यूटेशन म्हणून ओळखल्या जातात. जीन्स हे आपल्या आई व वडिलांकडून डीएनए द्वारे हस्तांतर होतात. ते विशिष्ट माहिती साठवून ठेवते जी आपली वैशिष्ट्ये जसे की उंची आणि डोळयांचा रंग इत्यादी निर्धारित करतात. काही आरोग्यविषयक परिस्थितींसाठी देखील जीन्स जबाबदार असतात. बीआरसीए 1 आणि बीआरसीए 2 ही जीन्स असतात जी प्रथिने बनवून पेशींचे संरक्षण करते आणि ट्यूमर बनण्यापासून प्रतिबंध करते.
बीआरसीए 1 किंवा बीआरसीए 2 जीन्समधील परिवर्तनाने पेशींचे नुकसान होऊ शकते ज्यामुळे कर्करोग होऊ शकतो. उत्परिवर्तित बीआरसीए जीन्स असलेल्या स्त्रियांना स्तन किंवा डिम्बग्रंथि कर्करोगाचा धोका असतो. उत्परिवर्तित बीआरसीए जीन्स असलेल्या पुरुषास स्तन किंवा प्रोस्टेट कर्करोगासाठी जास्त धोका असतो. बीआरसीए 1 किंवा बीआरसीए 2 उत्परिवर्तन असलेल्या प्रत्येकास कर्करोग होणार नाही. आपल्या जीवनशैली आणि पर्यावरणासह इतर कारणे आपल्या कर्करोगाचा धोका प्रभावित करू शकतात. जर आपल्याला असे आढळून आले की आपल्याला बीआरसीए उत्परिवर्तन आहे तर आपण आपल्या आरोग्याचे रक्षण करण्यासाठी पावले उचलण्यास सक्षम असाल.

इतर नावे: बीआरसीए जीन चाचणी, बीआरसीए जीन 1, बीआरसीए जीन 2, स्तनाचा कर्करोग संवेदनशीलता जीन 1, स्तनाचा कर्करोग संवेदनशीलता जीन 2

चाचणी कशासाठी केली जाते?
आपल्याला बीआरसीए 1 किंवा बीआरसीए 2 जीन उत्परिवर्तन आहेत का हे शोधण्यासाठी या चाचणीचा वापर केला जातो. बीआरसीए जीन उत्परिवर्तनामुळे कर्करोग होण्याचा धोका वाढू शकतो.

मला बीआरसीए चाचणीची आवश्यकता का आहे?
बऱ्याच लोकांसाठी बीआरसीए चाचणीची शिफारस केली जात नाही. बीआरसीए जीनचे उत्परिवर्तन अत्यल्प आहेत, जे लोकसंख्येच्या फक्त 0.2 टक्के लोकांना प्रभावित करते. परंतु आपल्याला उत्परिवर्तन होण्याचा धोका असल्यास आपण ही चाचणी केली पाहिजे. आपणास बीआरसीए उत्परिवर्तन होण्याची जास्त शक्यता आहे जर आपणास:
स्तनाचा कर्करोग ज्याचे निदान वयाची ५० ओलांडण्याधी झाले आहे
दोन्ही स्तनांमध्ये स्तनाचा कर्करोग झाला आहे किंवा होता
स्तन आणि डिम्बग्रंथि कर्करोग दोन्ही आहेत किंवा होते
स्तन कर्करोग हा एक किंवा अधिक कुटुंबातील सदस्यांना आहे किंवा होता
आधीपासूनच बीआरसीए उत्परिवर्तनाने निदान केले आहे
अशकेनाझी (पूर्वी यूरोपियन)यहूदी वंशाचे आहेत. सामान्य जनसंख्येच्या तुलनेत बीआरसीए म्यूटेशन हे या गटात अधिक सामान्य आहेत. आइसलँड,नॉर्वे आणि डेन्मार्कसह युरोपच्या इतर भागांतील लोकांमध्ये बीआरसीए म्यूटेशन अधिक सामान्य आहे.

बीआरसीए चाचणीदरम्यान काय होते?
एक लहान सुई वापरुन, एक हेल्थ केअर व्यावसायिक आपल्या बाहेरील शिरातून रक्त नमुना घेईल. सुई काढल्यानंतर, चाचणी नलिका किंवा शीलामध्ये थोडासा रक्ताचा संग्रह केला जाईल. जेव्हा सुई आत जाते किंवा बाहेर पडते तेव्हा तुम्हाला थोडासा त्रास वाटू शकतो. हे सहसा पाच मिनिटांपेक्षा कमी वेळ घेते.

चाचणीच्या तयारीसाठी मला काही करण्याची गरज आहे का?
आपल्याला बीआरसीए चाचणीसाठी कोणत्याही खास तयारीची आवश्यकता नाही. परंतु चाचणी आपल्यासाठी योग्य आहे का हे पाहण्यासाठी आपण प्रथम अनुवांशिक सल्लागारांशी भेटू इच्छित असाल. आपले सल्लागार जेनेटिक चाचणीच्या जोखमी आणि फायद्यांबद्दल आणि याचा परिणाम काय असू शकतो याबद्दल आपल्याशी बोलू शकतात. आपण आपल्या चाचणी नंतर अनुवांशिक परामर्श मिळविण्याचा देखील विचार केला पाहिजे. आपले परिणाम चिकित्सक आणि भावनिकरित्या आपल्या आणि आपल्या कुटुंबावर कसे परिणाम करु शकतात यावर चर्चा करू शकतात.

चाचणीचे काही धोके आहेत का?
रक्ताची चाचणी घेण्यात फारच कमी धोका असतो. सुई टोचलेल्या ठिकाणी वेदना होऊ शकते परंतु बहुतेक लक्षणे लवकर निघून जातात.

परिणामांचा अर्थ काय आहे ?
बऱ्याच परिणामांना नकारात्मक, अनिश्चित किंवा सकारात्मक म्हणून वर्णन केले जाते आणि सामान्यतः खालील गोष्टींचा अर्थ असा होतो:
नकारात्मक परिणामाचा अर्थ असा होतो की बीआरसीए जीन उत्परिवर्तन आढळला नाही, परंतु त्याचा अर्थ असा नाही की आपल्याला कधीही कर्करोग होणार नाही.
अनिश्चित परिणाम म्हणजे काही प्रकारचे बीआरसीए जीन उत्परिवर्तन सापडले, परंतु कर्करोगाच्या जोखीमाशी ते जुळणे किंवा कदाचित संबंधित असू शकत नाही. आपले परिणाम अनिश्चित असल्यास आपल्याला अधिक चाचणी किंवा देखरेख आवश्यक असू शकते. सकारात्मक परिणाम म्हणजे बीआरसीए 1 किंवा बीआरसीए 2 मधील उत्परिवर्तन आढळून आले. या उत्परिवर्तनामुळे आपल्याला कर्करोग होण्याची शक्यता जास्त असते. परंतु उत्परिवर्तन झालेल्या प्रत्येकास कर्करोग होतोच असे नाही. आपले परिणाम मिळविण्यासाठी काही आठवडे लागू शकतात. आपल्या परिणामांबद्दल आपल्याकडे काही प्रश्न असल्यास, आपल्या आरोग्य सेवा प्रदात्याशी किंवा आपल्या अनुवांशिक सल्लागारांशी बोला.

बीआरसीए चाचणीबद्दल मला माहित असणे आवश्यक आहे का?
जर आपल्या परिणामांवरून आपल्याला बीआरसीए जीन उत्परिवर्तन असल्याचे दिसून आले तर आपण स्तनांचा कर्करोग होण्याचा धोका कमी करू शकता. यात समाविष्ट:
मॅमोग्राम आणि अल्ट्रासाऊंड सारख्या अधिक प्रमाणात कॅन्सर स्क्रीनिंग चाचण्या करू शकतात. प्रारंभिक अवस्थेत कर्करोग आढळल्यास कर्करोगाचा उपचार करणे सोपे आहे. मर्यादित वेळेसाठी जन्म नियंत्रण गोळ्या घेणे. बीआरसीए जीन उत्परिवर्तन असणाऱ्या काही महिलांमध्येजास्तीत जास्त पाच वर्षे जन्म नियंत्रण गोळ्या घेतल्याने डिम्बग्रंथि कर्करोगाचा धोका कमी होतो असे दिसण्यात आले आहे. कर्करोग कमी करण्यासाठी पाच वर्षापेक्षा जास्त काळ गोळ्या घेण्याची शिफारस केली जात नाही. आपण बीआरसीए चाचणी करण्यापूर्वी गर्भनिरोधक गोळ्या घेत असाल तर, आपल्या आरोग्य सेवा पुरवठादाराला सांगा की आपण गोळ्या किती काळापासून घेत आहात. आपण ते घेतच राहावे किंवा नाही हे नंतर डॉक्टर सांगेल.
जर कर्करोग-विरोधी औषधे घेत असाल जसे की टॅमोक्सिफेन, हे स्त्रियामध्ये स्तनाच्या कर्करोगाचे जोखीम कमी करण्यासाठी मदत करते असे दर्शविले गेले आहे.
निरोगी स्तन ऊतक काढण्यासाठी शस्त्रक्रिया, एक प्रतिबंधात्मक मास्टक्टॉमी म्हणून ओळखले जाते. प्रतिबंधक मास्टक्टॉमी हे स्तनांचा कर्करोगाच्या जोखमात बीआरसीए जीन उत्परिवर्तन असलेल्या महिलांमध्ये 90% इतके कमी होण्यास कारणीभूत असल्याचे दिसून आले आहे. परंतु हे एक प्रमुख ऑपरेशन आहे, केवळ कर्करोग असण्याचा जास्त धोका असलेल्या स्त्रियांनाच याची शिफारस केली जाते.

Dr. Nikhil N  Asawa
Dr. Nikhil N Asawa
MDS, Implantologist Prosthodontist, 6 yrs, Pune
Dr. DHOLARIYA JAYANTILAL
Dr. DHOLARIYA JAYANTILAL
MD - Allopathy, Family Physician, 8 yrs, Ujjain
Dr. Hitesh Karnavat
Dr. Hitesh Karnavat
BAMS, Ayurveda Infertility Specialist, 12 yrs, Pune
Dr. Piyush  Jain
Dr. Piyush Jain
MS - Allopathy, Ophthalmologist Pediatric Ophthalmologist, 5 yrs, Pune
Dr. Sandeep Awate
Dr. Sandeep Awate
BAMS, Ayurveda Panchakarma, 15 yrs, Pune