मुंबई: दूधाला पूर्ण अन्न समजले जाते. आहारात दुधाचा समावेश केल्यास आहाराप्रमाणेच भूक शमवण्यास, स्वास्थ्य सुधारण्यास मदत होते. सामान्यपणे आपण गाय किंवा म्हशीच्या दूधाचं सेवन करतो. मात्र बकरीचं दूधही आरोग्यदायी असते हे तुम्हांला ठाऊक आहे का? बकरीच्या दूधाचा आहारात समावेश केल्याने काही आरोग्याच्या समस्या दूर होण्यास मदत होते.
बकरीच्या दूधाचे आरोग्यदायी फायदे -
बकरीचं दूध प्यायल्याने आतड्यातील सूज कमी होण्यास मदत होते असे एका संशोधनाच्या अहवालामध्ये नमूद करण्यात आले आहे. रोज ग्लासभर बकरीचं दूध पिणं आरोग्याला फायदेशीर आहे.
कॅल्शियमची शरीरात कमतरता निर्माण झाल्यानंतर हाडं कमजोर होतात. बकरीचं दूध प्यायल्याने कॅल्शियमची कमतरता भरून निघण्यास मदत होते. बकरीच्या दूधाच्या सेवनाने हाडं मजबूत होतात.
बकरीच्या दूधामध्ये सेलेनियम मिनिरल्स मुबलक प्रमाणात आढळतात. यामुळे शरीराची रोगप्रतिकारक्षमता सुधारण्यास मदत होते. शरीराचे स्वास्थ्य सुधारण्यास आणि मजबूत ठेवण्यास हे मिनरल फायदेशीर ठरते.
हृद्याचे स्वास्थ्य सुधारण्यासही बकरीचं दूध फायदेशीर आहे. यामुळे कोलेस्ट्रेरॉलचं प्रमाण नियंत्रणात राहतं. हार्ट अटॅक, स्ट्रोक्स या समस्यांचा त्रास रोखण्यासाठी बकरीचं दूध फायदेशीर ठरतं. बकरीच्या दूधात पोटॅशियम घटकही मुबलक असल्याने रक्तदाब आटोक्यात राहण्यास मदत होते.
प्रोटिनच्या सेवनामुळे शरीराचा विकास होण्यास मदत होते, बकरीच्या दूधात प्रोटीन घटक मुबलक असतात. मुलांची योग्यरित्या वाढ व्हावी असे वाटत असल्यास बकरीच्या दूधाचा आहारात समावेश करा.
5-7 खजुरांसोबत ताजं बकरीचं दूध प्यायल्यास सेक्स पॉवर वाढण्यास चालना मिळते. याकरिता रात्रभर खजूर दूधात भिजवून ठेवा. दुसर्या दिवशी हे दूधाचं मिश्रण गरम करून प्यावे.
मुंबई : काही विशिष्ट वयापर्यंतच उंची वाढते. त्यामुळे साधारण वयाच्या 18 वर्षापर्यंत मुलांच्या उंचीकडे पालकांनी लक्ष देणं गरजेचं आहे. या वयाच्या टप्प्यावर मुलांच्या शरीरात अनेक हार्मोनल बदल होत असतात. यामुळे मुलांच्या शरीराच्या वाढीकडे नीट लक्ष देणं गरजेचे ठरते.
मुलांची उंची वाढण्यासाठी काय कराल ?
कॅल्शियम घटक
मुलांची उंची वाढवायची असेल तर त्यांच्या आहारत कॅल्शियम घटकांचा मुबलक प्रमाणात समावेश करणं आवश्यक आहे. कॅल्शियममुळे हाडांचा विकास होतो. याकरिता आहारात दूध आणि दूग्धजन्य पदार्थांचा समावेश करणं आवश्यक आहे.
व्यायाम
व्यायाम आणि प्रामुख्याने योगाभ्यास केल्यानेही वजन आणि उंची दोन्ही वाढवणं शक्य आहे. लटकण्याचा व्यायाम करणं आरोग्याला फायदेशीर ठरतं. सोबतच भुजंगासन केल्यानेही उंची वाढण्यास मदत होते.
वाकून बसणं, चालणं टाळा
वाकून बसणं किंवा चालणंदेखील टाळा. यामुळे शरीराचा बांधा झुकलेला दिसतो. चालताना, बसल्यावर झुकून बसणं, चालणं टाळा. ताठ राहिल्यानं व्यक्तिमत्त्वही उठावदार दिसतं सोबतच शरीराची उंची उत्तम दिसते.
योग्य प्रमाणात खाणं
उंची वाढण्यासाठी शरीरात ग्रोथ हार्मोन्सची वाढ होणंही गरजेचे आहे. याकरिता नियमित आणि थोड्या थोड्या वेळानं खाणं गरजेचे आहे. दिवसातून किमान 5-6 वेळेस खाणं आवश्यक आहे.
अश्वगंधा
तुम्हांला उंची वाढवायची असेल तर आहारात अश्वगंधाचे सेवन करणं आवश्यक आहे. अश्वगंधामध्ये अनेक मिनरल्स घटक असतात, त्याच्या नियमित सेवनाने उंची वाढायला मदत होईल.
संतुलित आहार
नियमित संतुलित आहाराच्या सेवनामुळे उंची वाढण्यास मदत होते. त्यामुळे कितीही जंकफूड खाण्याचा मोह होत असला तरीही त्यावर आवर घाला आणि आहारात नियमित संतुलित जेवणाचा समावेश करा.
व्हिटॅमिन डी
उंची वाढवण्यासाठी शरीरात व्हिटॅमिन डी योग्य प्रमाणात असणं आवश्यक आहे. कोवळ्या सूर्यप्रकाशातून शरीराला नैसर्गिक स्वरूपात व्हिटॅमिन डीचा पुरवठा होतो. सकाळ - संध्याकाळ किमान 20-30 मिनिटं कोवळ्या उन्हात फिरा.
आवळा
उंची वाढवण्यासाठी आवळ्याचं नियमित सेवन करणं आरोग्यदायी ठरते. आवळ्यातील व्हिटॅमिन सी, कॅल्शियम, फॉस्फरस घटक मुबलक प्रमाणात आढळतात. यामुळे शरीराचा विकास होण्यास, उंची वाढण्यास मदत होते.
अगस्त्यच्या बियांची पूड तीन ग्रॅम ते दहा ग्रॅमपर्यंत गायीच्या धरोष्ण २५० ग्रॅम दुधसोबत सकाळ-संध्याकाळ काही दिवसांपर्यंत घेतल्याने स्मरण शक्तीत वाढ होते.
अशोकचे साल, ब्राह्मी पूड समप्रमाणात एकत्रा करून एक-एक चमचा सकाळ-संध्याकाळ एक कप दुधबरोबर नियमितपणे काही महिने घेतल्याने बुद्धीत वाढ होते.
शंखपुष्पीची ३-६ ग्रॅम पूड मधात घालून चाटावी आणि वरून दूध प्यावे. याच्या सेवनाने बुद्धीचे योग्य विकास होते.
३-६ ग्रॅम शंखपुष्पी पूड साखर आणि दुधबरोबर नेहमी सकाळी घेतल्याने स्मरण शक्ती वाढते.
शंखपुष्पी २-४ ग्रॅम आणि वचा १ ग्रॅम पूड मुलांना दिल्याने खूपच बुद्धिमान आणि शहाणे होतात.
सकाळी शंखपुष्पीचे थोडे पाणी घालून रस काढता येते शुद्ध रस १०-२० मिलीग्रॅम किंवा २-४ ग्रॅम पूड मध, तूप आणि साखरेबरोबर सहा महिन्यांपर्यंत सेवन करीत राहिल्याने स्मरणशक्ती आणि बुद्धीत वाढ होते.
दूध,तूप किंवा पाण्यासोबत वचाच्या खोडीची पूड २५० मिलीग्रॅमच्या प्रमाणात दिवसातून दोन-तीन वेळा एका वर्षापर्यंत किंवा किमान एक महिन्यापर्यंत घेतल्याने स्मरणशक्तीत वाढ होते.
१० ग्रॅम वचा पूड २५० ग्रॅम खांडसरीसोबत पाक करून रोज १० ग्रॅम सकाळ-संध्याकाळ खाण्याने विसरण्याची सवय दूर होते
मुंबई : गरोदरपणात महिला आणि तिच्या कुटुंबाला होणाऱ्या बाळाची काळजी घेणं महत्त्वाच असतं. बाळ आणि आई सुरक्षीत राहण्यासाठी काही गोष्टी ध्यानात ठेवायला हव्यात. गरोदरपणात काय खाव आणि काय न खाव ?, काय आणि किती व्यायाम करावा ? अशा अनेक महत्त्वाच्या गोष्टी तुम्हाला माहित असायला हव्यात. अशा काही महत्त्वाच्या गोष्टींबद्दल आपण जाणून घेऊ
रंगांपासून सावधान
नुकसान पोहोचविणाऱ्या वासापासून दूर रहा. घराला रंग मारला जात असेल तर दरोदर स्त्रीने जवळ जाणं टाळावं. पेंटमधून निघणारे काही पदार्थ गरोदर महिलांसाठी नुकसानकारक ठरतात.
गरम पाण्याने आंघोळ नको
गरम पाण्याने आंघोळ करण तुमच्या बाळासाठी ठिक नाही. हलक्या गरम पाण्यानेच स्नान करा. तस केल्यास तुमच्या शरीराच तापमान वाढून १०१ डिग्री पर्यंत पोहोचेल आणि रक्तदाबही वाढू शकतो. असं झाल्यास बाळाला पोषक तत्व आणि ऑक्सिजनची कमी भासू शकते. ऑर्गनायझेशन ऑफ टेराटॉलॉजी इन्फॉर्मेशन सर्व्हिसच्या मते गरोदर महिलांनी शरीराच तापमान १०१ डिग्रीच्या खाली ठेवायला हवं.
फळांचा रस
फळांच्या रसाचे अधिक प्रमाणात सेवन करु नये. यामुळे रक्तातील साखरेच प्रमाण वाढण्याची शक्यता असते. फळांच्या रसापेक्षा फळं खाण जास्त फायदेशीर ठरेल.
झोपण्याची पद्धत
पाठीवर झोपण हीच गरोदरपणातील झोपण्याची अयोग्य पद्धत ठरेल. यामुळे रक्ताभिसरण बिघडून शरीराच्या दुसऱ्या अंगावर याचा भार पडेल. श्वास घेण्यासही अडथळा होऊ शकतो. डाव्या कुशीवर झोपण फायदेशीर ठरेल. तुमच्यासाठी हे थोड कठीण असेल पण याची सवय लावायला हवी.
लव मेकिंग अर्थात सेक्स आनंद तर देतंच याचे अनेक फायदे देखील आहेत. आरोग्यासाठी हे कसे फायद्याचे आहे जाणून घ्या:
डोकेदुखी पासून मुक्ती
वेदना दूर करणारे एंडोर्फिन आणि लव हार्मोन ऑक्सीटोसिन हे दोन हार्मोन सेक्स दरम्यान रक्त पेशींतून स्त्रावित होतात. हे दोन्ही हार्मोन शरीराला आराम देतात आणि यामुळे डोकेदुखी पासून मुक्ती मिळते.
फ्लूवर उपचार
सेक्स केल्याने इम्यून सिस्टम चांगलं राहतं. हे शरीरात बॅक्टिरिअल संक्रमणाला झुंज देण्यासाठी अँटीबॉडी रूपात इम्युनोग्लोबुलिन तयार करतं.
हार्ट अटॅकचा धोका कमी
रिसर्चप्रमाणे दररोज सेक्स केल्याने इतर लोकांच्या तुलनेत हृदय संबंधित आजार होण्याची शक्यता कमी असते.
डिप्रेशन दूर करण्यास मदत
डिप्रेशनमुळे सेक्समध्ये रुची कमी होते परंतू सेक्समुळे मूड चांगलं होतं हे देखील तेवढेच खरे आहे. सेक्सने डिप्रेशन कमी केलं जाऊ शकतं.
स्नायूंवर प्रभाव
सेक्सदरम्यान एंडोर्फिन आणि ऑक्सीटोसिन हार्मोन रिलीज होतात ज्याने वेदना दूर होते. सेक्समुळे स्नायू आणि सांधेदुखी पासून मुक्ती मिळते.
मूत्र गळतीपासून बचाव
सेक्समुळे पेल्विक भागाचे स्नायू मजबूत होतात. याने मूत्र गळतीपासून बचाव होतो.
प्रोस्टेट आरोग्यासाठी योग्य
अध्ययनात हे उघडकीस आले आहे की सतत वीर्यस्खलनने प्रोस्टेटच्या आरोग्यात सुधार होतो आणि कर्करोगाचा धोका कमी होतो.
निद्रानाशावर उपचार
सेक्स दरम्यान रिलीज होणारे एंडोर्फिन शरीराला आराम देतात आणि ऑक्सीटोसिन हार्मोन कोर्टिसोलच स्त्राव थांबवतं ज्याने ताण कमी होतं. यामुळे चांगली झोप येते.
ब्रेस्ट कॅसरचा धोका कमी होतो
ऑक्सीटोसिन हार्मोन आणि डीएचईए रिलीज होत असल्यामुळे स्तन कर्करोगाचा धोका कमी होतो.
चमकदार त्वचा
सेक्समुळे रक्तप्रवाह व्यवस्थित राहतं आणि शरीरातून विषारी पदार्थ बाहेर निघतात ज्यामुळे त्वचा उजळते.
लव मेकिंगमुळे केवळ आपसात नातं मजबूत होत नसून आरोग्यदृष्ट्या याचे खूप फायदे आहे. तर सेक्स ओझं समजून नव्हे तर आरोग्यासाठी मनोरंजक व्यायाम आहे.