गूळ-फुटाणे खाण्याचे अनेक फायदे आहेत. गूळ- फुटाणे खाल्ल्याने शरीराला पोषण तर मिळतेच शिवाय सौंदर्यातही भर पडते.

चेहरा उजळतो – यामधील झिंक म्हणजेच जस्त त्वचा उजळण्यास मदत करते. झिंक त्वचेला तजेला प्रदान करते. याचे नियमित सेवन केल्याने स्त्रियांचे सौंदर्य अधिक वाढते.

अपचनापासून मुक्तता मिळते – गूळ-फुटाणे नियमित खाल्ल्याने पचनशक्ती सुधारते. यामुळे अपचन व ऍसिडीटीच्या समस्येपासून सुटका मिळते. स्त्रियांना बहुधा पोटाचा त्रास होतो. अशा वेळी गूळ-फुटाणे खाणे योग्य ठरते.
स्मरणशक्ती वाढते- गूळ व फुटाणे खाल्ल्याने बुद्धी तीक्ष्ण होते. यामधील विटॅमिन बी स्मरणशक्ती वाढवण्यास मदत करते.

दातांची सुरक्षा – गूळ व फुटाणे दातांना सुरक्षित ठेवतात. यामधील फॉस्फरस दातांसाठी उपयोगी आहे. गर्भावस्थेनंतर स्त्रियांनी गूळ-फुटाणे खायला हवे.

ह्रदयाचे आरोग्य – यातील पोटॅशियम हार्ट अटॅकपासून रक्षण करते. ह्रदय संबंधित समस्यांसाठी गूळ-फुटाणे उपयोगी आहेत.

रोजच्या जेवनात पापड असेल तर जेवनाची चव आणखी वाढते. प्रत्येकाला पापड आवडतो, पण हाच पापड अधिक सेवनामुळे आपल्या शरीरासाठी हानिकारक ठरु शकतो. पापडाचे सेवन अधिक प्रमाणात केल्यास त्यामुळे ह्रदयविकार होण्याची दाट शक्‍यता असते.

पापड खाल्ल्यामुळे आरोग्याला धोका निर्माण होतो. यात प्रिजर्वेटिव आणि सोडियम मिठाचा वापर करतात. या पदार्थांमुळे पापडाची चव वाढते, परंतु या पापडाच्या अति सेवनाने आपल्या आरोग्यासंबंधी अनेक समस्या निर्माण होतात. पापडमुळे शरीराला होणारे नुकसान हे टाळता येऊ शकत नाही.

पापडाच्या अति सेवनाने हृद्यसंबधीत आजारांचा धोका वाढतो. तसेच किडनीवर वाईट परिणाम होतो. वजन वाढते आणि पापडाच्या अति सेवनाने ऍसिडीटीची ही समस्या वाढीस लागते.

कामाच्या तणावामुळे हृदयाच्या ठोक्यांची गती जलद किंवा अनियमित होण्याचा धोका असून यामुळे हृदयविकार होण्याची शक्यता असल्याचा दावा एका अभ्यासात करण्यात आला आहे. हा अभ्यास युरोपियन जर्नल आफ प्रिव्हेन्टिव्ह कारर्डिओलाजी या नियतकालिकात प्रसिद्ध करण्यात आला आहे. वय, लिंग आणि शिक्षण आदी घटक समायोजित केल्यानंतर कामाच्या ठिकाणी तणावामुळे हृदयाच्या ठोक्यांची गती जलद किंवा अनियमित होण्याचे प्रमाण ४८ टक्क्यांनी वाढते, असे आढळले.

तणावपूर्ण नोकरीत आपल्या कामाच्या प्रक्रियेवर नियंत्रण ठेवणे शक्य होत नाही. तणाव कमी करण्यासाठी कामाच्या ठिकाणी कर्मचाऱ्यांना परिपूर्ण संसाधने उपलब्ध व्हावीत याची काळजी घ्यायला हवी असे स्वीडनमधील जोकोंपिंग विद्यापीठाचे प्राध्यापक एलेनॉर फॅ्रन्सन यांनी म्हटले. कर्मचाऱ्यांना आरामासाठी वेळ दिला गेला पाहिजे अणि कार्यालयातील वातावरणात कशा प्रकारे सुधारणा व्हायला हवी याबाबत वरिष्ठांनी कर्मचाऱ्यांच्या सूचना ऐकणे गरजेचे असल्याचे फॅ्रन्सन यांनी सांगितले. एट्रियल फिबरीलेशन हा हृदयाच्या ठोक्यांची गती अनियमित करणारा आजार आहे. छातीत धडधडणे, कमकुवतपणा, थकवा, चक्कर येणे, दम लागणे ही याची लक्षणे आहेत.

२० ते ३० टक्के हृदयरोगांच्या झटक्यांसाठी हा विकार कारणीभूत असून यामुळे अकाली मृत्यूचा धोका असल्याचे संशोधकांनी सांगितले. एट्रियल फिबरीलेशन या समस्येचा भरपूर लोक सामना करीत असून यावर आळा घालण्यासाठी उपाय शोधणे गरजेचे आहे. त्याचप्रमाणे कामाच्या तणावपूर्ण वातावरणामुळे याचा काय परिणाम होतो याबाबत अधिक माहिती मिळविणे गरजेचे आहे. या अभ्यासात १३,२०० लोकांनी सहभाग घेतला होता.