आवळा हा अत्यंत औषधी आहे. यामुळे रोगप्रतिकारकशक्ती वाढते. त्याचबरोबर शरीर तंदुरुस्त होण्यास मदत होते. आवळ्याचे सेवन जितके फायदेशीर आहे. तितकेच त्याचे तेलही केसांसाठी उपयुक्त आहे. आवळ्याचे गुणधर्म जाणून तुम्ही बाजारातील तेल वापरता? पण त्यात केमिकल्स असण्याची शक्यता असते. तर घरच्या घरी अगदी सोप्या पद्धतीने तुम्ही आवळ्याचे तेल बनवू शकता. पाहा तेल बनवण्याची प्रक्रिया...

आवळ्याचे तेल बनवण्याची कृती
आवळ्याचे तेल बनवण्यासाठी आवळा कापून त्याची पेस्ट बनवा. त्यानंतर पेस्ट खोबरेल तेलात घालून आठवडाभरासाठी बाटली बंद करुन ठेवा. आठवडाभरानंतर तेल गाळून घ्या. आवळ्याचे तेल तयार.

तेल वापरण्याची पद्धत
आठवड्यातून दोनदा तेलाने स्कॉल्पला मसाज करा. मसाज हलक्या हाताने बोट्यांच्या साहाय्याने करावा. त्यानंतर ३०-४० मिनिटांनी केस सौम्य शॅम्पूने धुवा.

तेल लावण्याचे फायदे

आवळ्याचे तेल कॅल्शियम, व्हिटॉमिन सी, आयर्न आणि फॉस्फोरस याने युक्त असते. त्यामुळे केस आणि स्कॉल्प हेल्दी राहण्यास मदत होते.

याशिवाय केस पांढरे होण्यास आळा बसतो.

केस मजबूत व दाट होतात.

केस वाढण्यास मदत होते.

केस मऊ मुलायम होतात.

सौंदर्य म्हणजे केवळ त्वचेची काळजी घेणं पुरेसे नाही. आपल्या केसांच्या आरोग्यावरही त्वचेचे आरोग्य अनेकदा अवलंबून असते. त्वचेइतकेच केसांची काळजी घेणेही आवश्यक आहे.

प्रदूषण, धूळ, धूर यामुळे केसांचे आरोग्य बिघडते. यामुळे केस कमजोर, निस्तेज, शुष्क होतात. परिणामी केसगळतीचा त्रास वाढतो. मग केसांचे आरोग्य सुधारायचे असेल तर लिंबाचा वापर करणं फायदेशीर ठरते. लिंबू केस आणि टाळूसाठी फायदेशीर आहे. टाळूवरील डेड सेल्स नष्ट करण्यासाठी लिंबाचा फायदा होतो.

केसांच्या आरोग्यासाठी लिंबाचा कसा कराल वापर ?
कंडीशनर
चमचाभर लिंबाचा रस, 2 चमचे मध, 2 चमचे ऑलिव्ह ऑईल एकत्र करा. हे मिश्रण टाळूवर 30 मिनिटं लावा. त्यानंतर माईल्ड शॅम्पूने केस स्वच्छ धुवावेत. हा उपाय आठवड्यातून एकदा केल्याने केसांना त्याचा फायदा होतो.


केसगळतीवर फायदेशीर
चमचाभर लिंबाचा रस समप्रमाणात नारळाच्या तेलासोबत मिसळा. हे मिश्रण 20 मिनिटं टाळूवर लावा. त्यानंतर माईल्ड शाम्पूने केस स्वच्छ धुवावेत. आठवड्यातून दोनदा हा उपाय करा.

टाळू स्वच्छ करण्यासाठी
चमचाभर लिंबाचा रस आणि व्हिनेगर एकत्र करा. 15-20 मिनिटं केसांना आणि टाळूवर लावा. त्यानंतर माईल्ड शाम्पूने केस स्वच्छ करावेत. हा उपाय आठवडाभर केल्याने टाळू स्वच्छ राहण्यास मदत होते.

कोंडा कमी करण्यासाठी
लिंबू टाळूवर आणि केसांवर लावा. 10-15 मिनिटांनंतर माईल्ड शाम्पूने केस स्वच्छ धुवावेत. यामुळे कोंड्याचा त्रास कमी होण्यास मदत होईल.

केसांच्या वाढीसाठी
चमचाभर लिंबाचा रस आणि 2 चमचे कोरफडीचा गर एकत्र करा. केसांना आणि टाळूला नियमित हे मिश्रण लावावे. 5 मिनिटं मसाज केल्यानंतर 30 मिनिटांनी केस माईल्ड शाम्पूने स्वच्छ धुवावेत.

विराट कोहलीपासून रणबीर कपूर आणि रणवीर सिंहच्या बियर्ड लूकची सर्वत्र चर्चा रंगली आहे. सेलिब्रिटींमुळे पुन्हा मुलांच्या बिअर्ड लूककडे मुली आकर्षित होण्याचं प्रमाण वाढलं आहे. त्यामुळे मुलींना इम्प्रेस करण्यासाठी तुम्हीदेखील दाढी वाढवत असाल तर काही गोष्टींचं भान सांभाळणं आवश्यक आहे. सोबतच रूबाबदार दाढी वाढवण्यासाठी कोणत्या घरगुती टीप्स फायदेशीर ठरतील? हेदेखील नक्की जाणून घ्या.

रूबाबदार दाढी वाढवण्यासाठी खास टीप्स -
दालचिनी आणि लिंबू -
दालचिनीच्या पावडरमध्ये लिंबाचा रस मिसळा. ही पेस्ट चेहर्‍यावर किमान 15 मिनिटं लावा. त्यानंतर थंड पाण्याने चेहरा स्वच्छ धुवावा. संवेदनशील त्वचा असल्यास दालचिनी आणि लिंबू या दोन्हींमुळे त्वचेवर जळजळ होऊ शकते. यामुळे पॅच टेस्ट करूनच हा उपाय करावा.

खोबरेल तेल -
खोबरेल तेल केसांच्या वाढीसाठी फायदेशीर आहेत. दाढी वाढवण्यासाठी खोबरेल तेलात कढीपत्त्याची काही पानं मिसळून तेल उकळा. हे मिश्रण थंड झाल्यावर त्याचा मसाज करा. शेव्ह करण्यापूर्वी कोमट पाण्यात खोबरेल तेलाचे थेंब मिसळून चेहरा स्वच्छ धुवावा.


आवळा -
आवळा केसांच्या वाढीसाठी फायदेशीर आहे. दाढीचे केस वाढवण्यासाठी आवळ्याचं तेल फायदेशीर ठरतं. त्यामुळे किमान 20 मिनिटं आवळ्याच्या तेलाने मसाज करा. आवळ्याचा आहारात समावेश करणंदेखील फायदेशीर ठरतं. थेट आवळ्याचं तेल त्रासदायक ठरू शकतं त्यामुळे यासोबत ऑलिव्ह ऑईल किंवा तीळाचं तेल मिसळून मसाज करा.

केसांच्या वाढीसाठी या बाह्य उपचारांसोबतच आहाराचं पथ्यपाणी सांभाळणंदेखील गरजेचे आहे. यासाठी मुबलक पाणी प्या. आहारात संतुलित जेवणाचा समावेश करावा.मद्यपान आणि धुम्रपानापासूनही दूर रहा.

पूर्वी उन्हातून आलेल्यांना गूळ पाणी देण्याची प्रथा होती. चहामध्येही गूळाचा समावेश केलेला असे. आजकाल आपल्या आहारात गूळाचा समावेश अगदीच सीमीत स्वरूपात झाला आहे. मात्र केवळ आरोग्यासाठी नव्हे तर त्वचेचं सौंदर्य खुलवण्यासाठीदेखील गूळाचा आहारात समावेश करणं हितकारी आहे.

गूळामुळे कसे खुलते सौंदर्य ?

अ‍ॅक्नेवर परिणामकारक :

अ‍ॅक्नेचा त्रास, चेहर्‍यावरील काळे डाग, पिंपल्स यांचा त्रास दूर करण्यासाठी गूळ फायदेशीर आहे. आहाराप्रमाणेच फेसपॅकमध्येही गूळाचा समावेश करता येऊ शकतो. गूळाच्या फेसपॅकसाठी चमचाभर गूळ, चमचाभर टोमॅटोचा रस, अर्ध्या लिंबाचा रस आणि चिमुटभर हळद व ग्रीन टी मिसळा. हा फेसपॅक 15 मिनिटं चेहर्‍यावर लावा. त्यानंतर तोंड थंड पाण्याने स्वच्छ धुवावे.

त्वचेवर सुरकुत्या -

जसे वय वाढतं तसे चेहर्‍यावर अकाली सुरकुत्या पडण्याचं प्रमाणही वाढतं. गूळामधील अ‍ॅन्टी ऑक्सिडंट घटक शरीरात फ्री रॅडिकल्सचा सामना करण्यास मदत करतात. नियमित गूळ खाल्ल्याने सुरकुत्या कमी होतात.

केसांचं आरोग्य खुलते -

गूळामुळे चेहर्‍यासोबतच केसांचेही आरोग्य खुलते. गूळात मुलतानी माती, दही, पाणी मिसळून पॅक बनवा. हा पॅक केसांवर लावल्यानंतर तासाभराने स्वच्छ धुवाव. यामुळे केस घनदाट आणि मुलायम होतात.

त्वचा खुलते -

गूळामध्ये मिनरल्स आणि व्हिटॅमिन घटक मुबलक असतात. हे नॅचरल क्लिंजरप्रमाणे काम करतात. बद्धकोष्ठता, पोट साफ न होणं याचा परिणाम चेहर्‍यावर दिसतो. पोट साफ होण्यासाठी कोमट पाण्यासोबत गूळाचा खडा खाल्ल्यास किंवा चहामध्येही साखरेऐवजी गूळ वापरावा.

रक्त साफ होते -

रक्त साफ असल्यास त्वचाविकार वाढत नाहीत. गूळामुळे रक्त शुद्ध होण्यास मदत होते. अ‍ॅनिमियाचा त्रास कमी करण्यासही त्याची मदत होते. मधुमेही आणि लठ्ठपणाचा त्रास असलेल्यांनी डॉक्टरांच्या सल्ल्यानेच गूळाचा आहारत किती प्रमाणात समावेश करावा हे ठरवावे.

पावसाळ्याच्या दिवसात वातावरणात बदल झाल्यानंतर केवळ व्हायरल इंफेक्शन नव्हे तर केसांचे आरोग्यही बिघडते. अनेकांमध्ये पावसाळ्याच्या दिवसात केसगळतीचा त्रास वाढल्याचे दिसून येते. म्हणूनच केसगळतीच्या समस्येकडे दुर्लक्ष न करता त्यासाठी आहारात वेळीच सकारात्मक बदल करणं आवश्यक आहे.
आहारात बदलांसोबतच आयुर्वेदातील काही औषधी वनस्पती, फळांचा आहारात समावेश करणं हितकारी आहे. त्यामुळे पहा पावसाळ्यातील केसगळती तुम्ही कशाप्रकारे रोखू शकाल?

पावसाळ्यातील केसगळती रोखण्यासाठी खास उपाय -
भृंगराज
मजबूत आणि घनादाट केसांसाठि भृंगराज अतिशय फायदेशीर आहे. भृंगराज तेलामुळे केवळ टकलेपणाच्या समस्येवर नियंत्रण ठेवता येते असे नव्हे तर अकाली केस पांढरे होण्याची समस्यादेखील आटोक्यात ठेवण्यास मदत होते.

ब्राम्ही
ब्राम्ही आणि दह्याचा पॅक केसांच्या आरोग्यासाठी अतिशय फयादेशीर आहे. यामुळे केसगळती कमी होण्यास मदत होते. ब्राम्हीचं तेलही केसांसाठी अतिशय फायदेशीर आहे. नियमित ब्राम्हीच्या तेलाचा मसाज केल्याने केस घनदाट होतात.


आवळा
आवळ्यामधील अ‍ॅन्टीऑक्सिडंट आणि व्हिटॅमिन घटक केसांना मजबूत करण्यासाठी मदत करते. आवळ्याला हीना, ब्राम्हीची पावडर, दही यामध्ये मिसळून लावल्याने केसांचे आरोग्य सुधारते.

कडूलिंब
कडूलिंबाची पानंदेखील केसांना घनदाट करण्यासाठी मदत करतात. कडूलिंबाची पावडर, दही आणि नारळाचं तेल एकत्र करून लावल्यास केस मजबूत होतात.

रीठा
रीठाचा वापर केसांना मजबूत आणि घनदाट करण्यासाठी होतो. त्यामुळे रीठाची पावडर तेलामध्ये मिसळून डोक्याला मसाज केल्यास केसगळती रोखण्यास मदत होते.

टीप - हे सारे आयुर्वेदीक उपाय असल्याने तुमच्या नजीकच्या उत्तम आयुर्वेदीक भंडारामधून विकत घ्या.