Health Tips
Stay healthy by reading wellness advice from our top specialists.
Published  

औषध गोळ्यांनी नव्हे तर 'या' आयुर्वेदिक उपायांंनी पळवा व्हायरल फिव्हर

Dr. HelloDox Care #
HelloDox Care
Consult

वातावरणामध्ये बदल झाला की लगेच आजारपण डोकं वर काढतात. अशातच रोगप्रतिकारक्षमता कमजोर असलेल्यांमध्ये व्हायरल फिव्हर जडण्याचं प्रमाण वाढतं. व्हायरल इंफेक्शनपासून दूर राहण्यासाठी अनेक अ‍ॅन्टीबायोटिक्स बाजारात उपलब्ध आहेत. मात्र त्याचा दुष्परिणाम आरोग्याला त्रासदायक ठरू शकतो. व्हायरल इंफेक्शनपासून बचावण्यासाठी प्रत्येक वेळेस औषधांवर अवलंबून राहण्याची गरज नाही. काही घरगुती उपायांच्या मदतीनेदेखील व्हायरल इंफेक्शनचा सामना करता येऊ शकतो.

घरगुती आणि सुरक्षित उपाय -
आलं -
व्हायरल फिव्हरचा सामना करताना आल्यासोबत, हळद, काळामिरी आणि साखर मिसळून त्याचा काढा बनवा. दिवसातून तीन-चार वेळेस हा काढा प्यायल्यास ताप कमी होण्यास मदत होईल.

धने -
ग्लासभर पाण्यामध्ये चमचाभर धने टाकून पाणी उकळा. त्यानंतर पाणी गाळा. गरजेनुसार त्यामध्ये साखर/ गूळ किंवा मध मिसळून काढा बनव. चहाच्या स्वरूपात प्यायचा असल्यास त्यामध्ये दूध मिसळा. यामुळे व्हायरल फिव्हरचा सामना करण्यास मदत होते.


तुळस -
मूठभर तुळशीच्या पानांसोबत चमचाभर लवंगाची पावडर मिसळा. एक लीटर पाण्यामध्ये हे मिश्रण उकळा. काढ्याचा अर्क झाल्यानंतर दर 2 तासांनी गरजेनुसार प्यायल्यास त्याचा फायदा होतो.

मेथी -
रात्री चमचाभर मेथीचे दाणे भिजत ठेवा. सकाळी मेथीच्या दाण्यांमध्ये लिंबाचा रस आणि मध मिसळा. या मिश्रणामुळे व्हायरल इंफेक्शनचा सामना करण्यास शरीर सक्षम होते.

तांदूळ -
एक भाग तांदूळ आणि निम्मा भाग पाणी मिसळून वाफवा. तांदूळ अर्धा शिजल्यानंतर पाणी काढा. या पाण्यामध्ये मीठ मिसळा. कांजी म्हणजेच पेजेचं पाणी असेही याला म्हणतात. व्हायरल इंफेक्शनचा सामना करण्यासाठी हे फायदेशीर आहे.

लसूण -
लसूण सोलून त्यामध्ये मध मिसळा. हे मिश्रण खाल्ल्याने इंफेक्शन कमी होण्यास मदत होते.

मनुका -
रात्रभर मनुका पाण्यात भिजत ठेवा. भिजलेल्या मनुका सकाळी खाल्ल्याने व्हायरल इंफेक्शनचा त्रास कमी होतो.

Published  

पावसाळ्यातील केसगळती रोखण्यासाठी आयुर्वेदीक उपाय

Dr. HelloDox Care #
HelloDox Care
Consult

पावसाळ्याच्या दिवसात वातावरणात बदल झाल्यानंतर केवळ व्हायरल इंफेक्शन नव्हे तर केसांचे आरोग्यही बिघडते. अनेकांमध्ये पावसाळ्याच्या दिवसात केसगळतीचा त्रास वाढल्याचे दिसून येते. म्हणूनच केसगळतीच्या समस्येकडे दुर्लक्ष न करता त्यासाठी आहारात वेळीच सकारात्मक बदल करणं आवश्यक आहे.
आहारात बदलांसोबतच आयुर्वेदातील काही औषधी वनस्पती, फळांचा आहारात समावेश करणं हितकारी आहे. त्यामुळे पहा पावसाळ्यातील केसगळती तुम्ही कशाप्रकारे रोखू शकाल?

पावसाळ्यातील केसगळती रोखण्यासाठी खास उपाय -
भृंगराज
मजबूत आणि घनादाट केसांसाठि भृंगराज अतिशय फायदेशीर आहे. भृंगराज तेलामुळे केवळ टकलेपणाच्या समस्येवर नियंत्रण ठेवता येते असे नव्हे तर अकाली केस पांढरे होण्याची समस्यादेखील आटोक्यात ठेवण्यास मदत होते.

ब्राम्ही
ब्राम्ही आणि दह्याचा पॅक केसांच्या आरोग्यासाठी अतिशय फयादेशीर आहे. यामुळे केसगळती कमी होण्यास मदत होते. ब्राम्हीचं तेलही केसांसाठी अतिशय फायदेशीर आहे. नियमित ब्राम्हीच्या तेलाचा मसाज केल्याने केस घनदाट होतात.


आवळा
आवळ्यामधील अ‍ॅन्टीऑक्सिडंट आणि व्हिटॅमिन घटक केसांना मजबूत करण्यासाठी मदत करते. आवळ्याला हीना, ब्राम्हीची पावडर, दही यामध्ये मिसळून लावल्याने केसांचे आरोग्य सुधारते.

कडूलिंब
कडूलिंबाची पानंदेखील केसांना घनदाट करण्यासाठी मदत करतात. कडूलिंबाची पावडर, दही आणि नारळाचं तेल एकत्र करून लावल्यास केस मजबूत होतात.

रीठा
रीठाचा वापर केसांना मजबूत आणि घनदाट करण्यासाठी होतो. त्यामुळे रीठाची पावडर तेलामध्ये मिसळून डोक्याला मसाज केल्यास केसगळती रोखण्यास मदत होते.

टीप - हे सारे आयुर्वेदीक उपाय असल्याने तुमच्या नजीकच्या उत्तम आयुर्वेदीक भंडारामधून विकत घ्या.

Published  

कोरफड (एलोविरा)चे औषधी उपयोग

Dr. HelloDox Care #
HelloDox Care
Consult

रोज सकाळी कोरफडीचा चमचाभर गर घेण्याने स्त्रियांच्या बाबतीत पाळी नियमित येण्यास मदत मिळते. अंगावरून कमी रक्‍तस्राव होत

असल्यास किंवा पाळीच्या वेळेला गाठी पडून वेदना होत असल्यास कोरफडीचा गर घेणे उपयोगी ठरते.



दाढी करताना प्रथम हा गर गालांना व गळ्याला एक इंचाचा कोरफडीचा तुकडा घेऊन तो चोपडावा. कोरफडीचा उरलेला तुकडा घेऊन

फ्रीजमध्ये ठेवावा व नियमितपणे वापरावा. दाढीपूर्वीचे लोशन दाढीनंतरचे लोशन असे काहीच या प्रकाराने दाढी केल्यास लावावे लागतनाही. दाढी केल्यानंतर चेहरा अगदी उजळ होऊन स्वच्छ होतो.

पानांचा गर किंवा त्यामधून निघणारा पिवळसर रस भाजलेल्या त्वचेवर, हिमदाहावर तसेच त्वचेच्या अन्य तक्रारींवर प्रभावी आहे,

चेहर्‍याच्या सौदर्यप्रसाधनांत, तसेच केस धुण्याच्या शँपूमध्ये कोरफडीच्या गराचा वापर करतात.



कोरफडीचा गर रोज सेवन करण्याचे; तसेच बाहेरून लावण्याचे अनेक फायदे आहेत.

यकृताची कार्यक्षमता उत्तम राहण्यासाठी आणि वाढविण्यासाठी कोरफडीसारखे उत्तम औषध नाही. कोरफडीचा चमचाभर गर छोट्या कढईत
मंद आचेवर गरम करून त्यावर चिमूटभर हळद टाकून घेणे यकृतासाठी हितावह असते. याप्रमाणे काही दिवस नियमाने कोरफड घेतल्यासभूक चांगली लागते व शौचास साफ होण्यासही मदत मिळते.

कोरफडीचा ताजा गर न्हाण्यापूर्वी केसांना लावून ठेवण्याने केस निरोगी राहण्यास मदत मिळते; तसेच कंडिशनिंग होते. त्वचेवरही

कोरफडीचा गर लावल्याने त्वचा मऊ व सतेज राहण्यास मदत मिळते.

संगणकावर वा इतर कोणत्याही प्रखर प्रकाशाकडे पाहण्याने डोळे थकले, लाल झाले वा डोळ्यांची आग होऊ लागली, तर कोरफडीच्या गराची चकती बंद पापण्यांवर ठेवण्याने लगेच बरे वाटते. चकती ठेवणे अवघड वाटले, तर गराची पुरचुंडी करून डोळ्यांवर वारंवार फिरविण्याने बरे
वाटते.

Published  

हळदीने बरा होतो गर्भाशाच्या मुखाचा कर्करोग

Dr. HelloDox Care #
HelloDox Care
Consult

बहुगुणी हळदीला प्राचीन काळापासून आयुर्वेदात महत्त्वाचे स्थान आहे. अनेक रोगांवर उपाय म्हणून हळदीचा सर्रास वापर केला जातो. आता हळदीमुळे गर्भाशाच्या मुखाच्या कर्करोगाला प्रतिबंध घालता येतो हे संशोधनाअंती सिध्द झाले आहे.

कोलकात्याच्या चित्तरंजन नॅशनल कॅन्सर इन्स्टिटय़ूट (सीएनसीआय) या सरकारी संस्थेत याविषीचे संशोधन करण्यात आले. ह्युमन पॅपिलोमा नावाच्या विषाणूच्या प्रादुर्भावामुळे गर्भाशाच्या मुखाचा कर्करोग होतो. हळदीत सर्क्युमिन नावाचा घटक असून तो या विषाणूंवर प्रभावी उपाय असल्याचा दावा सीएनसीआयने केला आहे. सीएनसीआयने आपल्या पाच वर्षाच्या संशोधनानंतर हा दावा केला असून या संशोधनात 400 महिलांना सहभागी करून घेण्यात आले होते. यातील काही महिलांना गर्भाशाच्या मुखाचा कर्करोग झाला होता तर काही महिलांना एचपीएव्हीचा संसर्ग झाला होता.

हळदीतून मिळवलेल्या सर्क्युमिनचा वापर करून तयार केलेला मलम आणि कॅप्सुल यातील 280 महिलांना देण्यात आली. त्या महिलांची नियमित तपासणी करून त्यांचा अभ्यास करण्यात आला. ज्या महिलांना एचपीव्हीची लागण झाली होती त्यातून त्या पूर्णपणे बर्‍या झाल्या आणि संसर्गही पूर्णत: थांबल्याचे आढळून आले, अशी माहिती सीएनसीआयचे संचालक जयदीप बिश्वास यांनी दिली.

ज्या महिलांना सर्क्युमिन देण्यात आले नव्हते, त्यांचा संसर्ग वाढल्याचे दिसून आले. आपण दररोज जेवणाद्वारे हळदीचे सेवन करत असतो. मात्र त्या सेवनातून सर्क्युमिन यकृत किंवा रक्त प्रवाहात मिसळत नाही, त्यामुळे त्याने एचपीव्हीचा संसर्ग बरा होत नाही. त्यासाठी सर्क्युमिन हे मलम आणि कॅप्सुलद्वारे घेणे गरजेचे आहे, असे इन्स्टिटय़ूटमधील संशोधक पार्था बसू यांनी सांगितले.

Published  

बटाट्याचे औषधी गुणधर्म

Dr. HelloDox Care #
HelloDox Care
Consult

* शरीराच्या जळलेल्या भागावर ताबडतोब कच्चा बटाटा किसून लावल्याने फायदा होतो.

*भाजलेला बटाटा खाल्ल्याने बद्धकोष्ठता दूर होते.

*रोज चार शेकलेले बटाटे मीठ आणि काळे मीरे पूड भुरभुरून खाल्ल्याने संधिवात बरा होतो.

* दुखापतीमुळे कुठली त्वचा निळी पडली असेल तर त्यावर कच्चा बटाटा लावावा.

*पित्ताच्या आजारात कच्चा बटाटा फायदेशीर असतो.

*उच्च रक्तदाब असलेल्या रूग्णाने नियमित बटाटे सेवन केल्याने रक्तदाब सामान्य राहतं.

*मूत्रखडा विकार असलेल्या रूग्णाला केवळ बटाटे खाऊ घाळून भरपूर मात्रेत पाणी पाजल्यास आराम मिळतो.

Dr. Kalpana Dongre Ladde
Dr. Kalpana Dongre Ladde
BAMS, Ayurveda Family Physician, 11 yrs, Pune
Dr. Simranpal Singh
Dr. Simranpal Singh
Medical Student, General Physician, 2 yrs, Chandauli
Dr. Neeti Gujar
Dr. Neeti Gujar
BDS, Cosmetic and Aesthetic Dentist Dentist, 12 yrs, Pune
Dr. Sonali Chavan
Dr. Sonali Chavan
BHMS, Homeopath, 10 yrs, Pune
Dr. Amol Dange
Dr. Amol Dange
MBBS, Diabetologist, 14 yrs, Pune
Hellodox
x