मुंबई : सकाळी उठल्यावर गरम पाण्यात अर्धा चमचा हळद मिसळून प्यायल्यास शरीरास अनेक फायदे होतात. हळदीमध्ये अनेक महत्त्वाचे गुण असतात. मसाल्यापैकी महत्त्वाचा घटक असलेली हळद ही प्रत्येकाच्या किचनमध्ये असतेच. हळदीला आयुर्वेदातही महत्त्वाचे स्थान आहे. हळदीचे सेवन शरीरासाठी चांगले मानले जाते. शरीरावर एखादी जखम होऊन रक्तस्त्राव होत असल्यास त्यावर सगळ्यात आधी हळद लावली जाते. हळदीमुळे रक्तस्त्राव थांबतो. असे या हळदीचे एक नव्हे तर अनेक फायदे आहेत. याच्या सेवनाने आरोग्यास मोठे फायदे होतात. सकाळी गरम पाण्यात अर्धा चमचा हळद मिसळून प्यायल्यास होतील हे फायदे

१. अस्थमा, सायनोसायटिस आणि खोकल्यापासून सुटका

२. सतत तोंड येत असल्यास हे पाणी प्यावे

३. वाढत्या वयाच्या खुणा रोखणार हे पाणी

४. हे पाणी प्यायल्याने वजन नियंत्रित होते. मेटाबॉलिज्म नियंत्रित करुन शरीरातील जमा झालेले फॅट्स कमी करण्याचे काम करते.

५. रोगप्रतिकार क्षमता वाढते. ज्यामुळे वारंवार आजारी पडणारी समस्या दूर होते.

६. कोलेस्ट्रॉल कमी होते तसेच ब्लॉक हटवतात. हृदयासंबाधित आजारांवर गुणकारी.

७. लिव्हरच्या आरोग्यसाठी हे पाणी लाभदायक आहे

मुंबई: दूधाला पूर्ण अन्न समजले जाते. आहारात दुधाचा समावेश केल्यास आहाराप्रमाणेच भूक शमवण्यास, स्वास्थ्य सुधारण्यास मदत होते. सामान्यपणे आपण गाय किंवा म्हशीच्या दूधाचं सेवन करतो. मात्र बकरीचं दूधही आरोग्यदायी असते हे तुम्हांला ठाऊक आहे का? बकरीच्या दूधाचा आहारात समावेश केल्याने काही आरोग्याच्या समस्या दूर होण्यास मदत होते.

बकरीच्या दूधाचे आरोग्यदायी फायदे -
बकरीचं दूध प्यायल्याने आतड्यातील सूज कमी होण्यास मदत होते असे एका संशोधनाच्या अहवालामध्ये नमूद करण्यात आले आहे. रोज ग्लासभर बकरीचं दूध पिणं आरोग्याला फायदेशीर आहे.

कॅल्शियमची शरीरात कमतरता निर्माण झाल्यानंतर हाडं कमजोर होतात. बकरीचं दूध प्यायल्याने कॅल्शियमची कमतरता भरून निघण्यास मदत होते. बकरीच्या दूधाच्या सेवनाने हाडं मजबूत होतात.

बकरीच्या दूधामध्ये सेलेनियम मिनिरल्स मुबलक प्रमाणात आढळतात. यामुळे शरीराची रोगप्रतिकारक्षमता सुधारण्यास मदत होते. शरीराचे स्वास्थ्य सुधारण्यास आणि मजबूत ठेवण्यास हे मिनरल फायदेशीर ठरते.

हृद्याचे स्वास्थ्य सुधारण्यासही बकरीचं दूध फायदेशीर आहे. यामुळे कोलेस्ट्रेरॉलचं प्रमाण नियंत्रणात राहतं. हार्ट अटॅक, स्ट्रोक्स या समस्यांचा त्रास रोखण्यासाठी बकरीचं दूध फायदेशीर ठरतं. बकरीच्या दूधात पोटॅशियम घटकही मुबलक असल्याने रक्तदाब आटोक्यात राहण्यास मदत होते.

प्रोटिनच्या सेवनामुळे शरीराचा विकास होण्यास मदत होते, बकरीच्या दूधात प्रोटीन घटक मुबलक असतात. मुलांची योग्यरित्या वाढ व्हावी असे वाटत असल्यास बकरीच्या दूधाचा आहारात समावेश करा.

5-7 खजुरांसोबत ताजं बकरीचं दूध प्यायल्यास सेक्स पॉवर वाढण्यास चालना मिळते. याकरिता रात्रभर खजूर दूधात भिजवून ठेवा. दुसर्‍या दिवशी हे दूधाचं मिश्रण गरम करून प्यावे.

मुंबई : दह्याचे सेवन करणे शरीरासाठी फायदेशीर असते. दह्याला सुपरफूड म्हटले जाते. मात्र याचे सेवन जर तुम्ही लंचमध्ये कराल त्याचा अधिक फायदा होतो. दुधाच्या तुलनेत दही लवकरच पचते. ज्या व्यक्तींचा पोटाचे विकार सतावतात जसे अपचन, बद्धकोष्ठता, गॅससारख्या समस्यांपासून दह्यामुळे सुटका मिळते. यात पाचनशक्ती सुधारणारे चांगले बॅक्टेरिया असतात. तसेच उच्च प्रतीचे प्रोटीनही असते.

पचनशक्ती वाढते
दह्याचे नियमित सेवन शरीरासाठी अमृतासमान मानले जाते. पचनासाठी दही अतिशय उपयोगी आहे. पचनक्रिया योग्य नसेल तर तुम्हाला आरोग्याच्या अनेक समस्या जाणवतात. दही रक्ताची कमतरता तसेच थकवा दूर करते. पोटात होणाऱ्या इन्फेक्शनपासून सुटका मिळते. तसेच ज्यांना कमी भूक लागते त्यांच्यासाठीही फायदेशीर ठरते.

तोंड आल्यास दह्याची मलई त्यावर लावल्याने फायदा होतो. दही आणि मध एकत्र करुन सकाळ-संध्याकाळ सेवन केल्यास तोंड बरे होते.

दररोज दही खाल्ल्याने हृदयाचे आरोग्य चांगले राहते. तसेच अनेक आजारांपासून बचाव होतो. कोलेस्ट्रॉलचे अधिक प्रमाण रक्तप्रवाहावर परिणाम होतो यामुळे हार्ट अॅटॅक येण्याची भिती अधिक असते. फॅट फ्री दही रक्तातील कोलेस्ट्रॉलचे प्रमाण कमी करते. तसेच ब्लड प्रेशनची समस्याही दूर होते.

दह्याचे सेवन दात आणि हांडांच्या आरोग्यासाठीही चांगले आहे. दह्यामध्ये कॅल्शियम आणि फॉस्फरस असते ज्यामुळे दात आणि हाडे मजबूत होतात.

दह्याचे सेवन केल्याने शरीरातील अतिरिक्त चरबी कमी होते.

सुंदर केसांसाठी दही अथवा ताकाने केस धुवावेत. आंघोळीआधी दह्याने केसांना चांगले मालिश करा. काही वेळाने केस धुतल्यास कोंडा दूर होतो.