बदाम केवळ आरोग्यासाठी नव्हे तर तुमच्या सौंदर्यासाठीदेखील तितकंच फायदेशीर आहे. बदामाच्या सेवनामुळे शारीरिक आणि मानसिक स्वास्थ्य सुधारण्यासाठी मदत होते. प्रामुख्याने डोळ्यांखालील काळी वर्तुळं कमी करण्यासाठी बदाम फायदेशीर ठरते.
खास टीप्स
बदाम आणि मध डार्क सर्कल्सचा त्रास कमी करण्यासाठी फायदेशीर आहे. याकरिता अर्धा चमचा बदामाच्या तेलात अर्धा चमचा मध मिसळा. हे मिश्रण रात्रीच्या वेळेस झोपण्यापूर्वी डोळ्यांखाली लावावे.
बदामाचं तेल गुलाबपाण्यात मिसळा. हे मिश्रण डार्क सर्कल्सचा त्रास कमी करण्यासाठी फायदेशीर ठरते. हा उपाय नियमित केल्याने त्रास कमी होईल. या मिश्रणाने 2-3 मिनिटं मसाज करा. रात्रभर हे मिश्रण असेच राहून द्या.
बदामाचं तेल आणि कोरफडीचा गरदेखील अत्यंत फायदेशीर आहे. डार्क सर्कल्स दूर करण्यासाठी हे मिश्रण फायदेशीर आहे. यामुळे डोळ्यांच्या खाली थंडावा निर्माण होण्यास मदत होते. थकव्यामुळे डोळ्यांखाली आलेला काळसरपणा कमी होतो.
अर्धा चमचा कोरफडीचा गर आणि बदामाचं तेल एकत्र करा. हे मिश्रण डोळ्यांखाली लावा. तासाभराने चेहरा थंड पाण्याने स्वच्छ धुवावा. यामुळे घरच्या घरी डार्क सर्कल्सचा त्रास कमी करण्यास मदत होते.
आजकालच्या तणावग्रस्त होत असलेल्या जीवनशैलीमुळे आरोग्यासोबतच सौंदर्यही खराब होत आहे. प्रामुख्याने तेलकट आणि संवेदनशील त्वचेच्या लोकांना विशेष काळजी घ्यावी लागते. ऋतूमानानुसार होणार्या बदलाप्रमाणे त्यांच्या ब्युटी रूटीनमध्येही बदल करणं आवश्यक आहे. चेहरा खुलवण्यासाठी मध अत्यंत फायदेशीर आहे. मधामुळे चेहरा नैसर्गिकरित्या खुलण्यास मदत होते.
त्वचा मुलायम होते -
चमचाभर लिंबाच्या रसामध्ये मध मिसळा. ही पेस्ट चेहर्यावर लावा. 20 मिनिटांनी कोमट पाण्याने चेहरा स्वच्छ धुवावा. आठवड्यातून एकदा या पेस्टचा वापर केल्यास हळूहळू त्रास कमी होण्यास मदत होते.
त्वचेला उजाळा -
शुष्क त्वचा पुन्हा तजेलदार करण्यासाठी चमचाभर दूध पावडर, चमचाभर अॅप्पल सायडर व्हिनेगर आणि मध मिसळून त्वचेवर 10 मिनिटं लावावे.
या पेस्टचा वापर त्वचेवरही परिणामकारक आहे. आठवड्याभरात त्वचा तजेलदार होण्यासाठी मदत होते.
तेलकट त्वचेसाठी
दोन चमचे ऑलिव्ह ऑलिव्हमध्ये एक लहान चमचा मध मिसळा. 5 मिनिटं हे मिश्रण चेहर्यावर लावा. थोड्यावेळाने चेहरा कोमट पाण्याने स्वच्छ धुवाव. त्यानंतर मॉईश्चरायझर क्रीम लावावे. आठवड्यात नियमित दोन वेळेस हा उपाय केल्याने तेलकट त्वचा खुलण्यास मदत होते.
चमकदार त्वचा -
टोमॅटोच्या रसासोबत अर्धा चमचा मध मिसळा. ही पेट चेहर्यावर लावा. 15 मिनिटांनी चेहरा थंड पाण्याने स्वच्छ धुवावा. यामुळे त्वचा चमकदारहोण्यास मदत होते.
चॉकलेट केवळ जीभेचे चोचले पुरवण्यासाठी नाही तर त्वचेच्या आरोग्यासाठीही तितकेचं फायदेशीर आहे. त्वचा मुलायम करण्याची क्षमता डार्क चॉकलेटमध्ये आहे. त्वचेच्या अनेक समस्यांपासून सुटका मिळवणयसाठी डार्क चॉकलेट फायदेशीर आहे. त्यामधील अॅन्टीऑक्सिडंट घटक वाढत्या वयासोबत येणार्या समस्या आटोक्यात ठेवण्यास मदत करतात. त्यामुळे खाण्यासोबतच चेहरा खुलवण्यासाठी डार्क चॉकलेट कसे मदत करते हे जाणून घेण्यासाठी हा सल्ला नक्की वाचा.
डार्क चॉकलेटचा त्वचेसाठी फायदा कसा ?
चॉकलेटमध्ये दाह शामक गुणधर्म असल्याने चेहर्यातील शुष्कपणा कमी करण्यास मदत होते. संवेदनशील त्वचेसाठी चॉकलेट फायदेशीर आहे. यामुळे चेहर्याला चमक मिळते. सोबतच त्वचा मुलायम राहण्यास मदत होते.
आजकाल अनेक फेशिएल्समध्ये चॉकलेटचा फ्लेवरही मिळतो. त्वचेवर डार्क चॉकलेट लावल्याने अनेक समस्या कमी होतात. चेहर्यावरील अकाली सुरकुत्या येण्याचं प्रमाणही कमी होतं.
1/3 कप कोको पावडरमध्ये 4 चमचे मध, लिंबाचा रस मिसळा. हा फेसपॅक चेहर्यावर आवा. 20 मिनिटांनी चेहरा पाण्याने स्वच्छ धुवावा. या फेसपॅकमुळे चेहरा तुकतुकीत होण्यास मदत होते.
अभिनेत्री रेखा, दीपिका पदूकोण असो किंवा गदी मराठी सिनेसृष्टीतील सई लोकूर, पूजा सावंत... या अभिनेत्रींना पाहिल्यानंतर त्याच्या पर्सनॅटीतील आकर्षक गोष्टींपैकी एक म्हणजे त्यांची उंची. मुलींना आपली चांगली उंची असावी असे नेहमीच वाटतं. परंतू उंची ही वयाच्या एका विशिष्ट टप्प्यापर्यंतच वाढते. त्यानंतर उंच दिसण्यासाठी तुम्हांला काही फॅशन टीप्स आणि ट्रिक्स वापराव्या लागतात.
हाय हील्स -
उंच दिसण्यासाठी तुम्हांला हाय हील्स मदत करतात. मात्र हाय हील्सचा सतत वापर करणं आरोग्याच्यादृष्टीने घातक आहे. फक्त काही मर्यादीत वेळेसाठी तुम्हांला ही ट्रिक वापरायची असेल तर तुम्ही ब्लॉक हिल्सचा वापर करू शकता.
उंच दिसण्यासाठी फॅशन ट्रीक्स
उंच दिसण्यासाठी काही विशिष्ट स्वरूपाचे कपडे घालणं तुम्हांला मदत करू शकतात.
हाउ वेस्ट पॅन्ट, प्लाझो
काही वर्षांपूर्वी फॅशनमध्ये असणारे हाय वेस्ट पॅन्ट, प्लाझो तुम्हांला उंच दिसण्यासाठी मदत करतात. याकरिता हाय वेस्ट पॅन्ट, प्लाझोची मदत होऊ शकते.
फ्लोअर लेंथ अनाकली, गाऊन
आजकाल फ्लोअर लेन्थ अनारकली, गाऊन हे ट्रेडिशनल आणि ट्रेन्डी लूकमध्ये आजकाल सहज उपलब्ध असतात. त्यामुळे फ्लोअर लेन्थ अनारकली किंवा गाऊनसची निवड करा. मात्र ड्रेसच्या खाली फार जड एम्ब्रॉडरी नसेल याची काळजी घ्या .
कोणते कपडे टाळाल ?
बुटक्या मुलींना उंच दिसण्याचा प्रयत्न करायचा असेल तर लॉन्ग कुर्ता घालणं टाळा. त्याऐवजी हाय वेस्ट जिन्स पॅन्ट, प्लाझोवर क्रॉप टॉप घालू शकता.
काही वर्षांपूर्वींपर्यंत ऑलिव्ह ऑईल आपल्यासाठी एक्झॉटीक पदार्थांपैंकी एक होते. मात्र आता ऑलिव्ह ऑईलचे आरोग्यदायी फायदे जाणून घेतल्यानंतर त्याचा आहारातील समावेश वाढला आहे. आहारात जसा समावेश करणं फयाद्याचे आहे तसेच त्याचा वापर सौंदर्य खुलवण्यासाठीही केला जातो.
ऑलिव्ह ऑईलमध्ये अॅन्टीऑक्सिडंट घटक मुबलक प्रमाणात असतात. सोबतच त्यामध्ये मिनरल्स, नॅचरल फॅटी अॅसिड असतात. यामुळे त्वचा मुलायम राहण्यास मदत होते..अकाली सुरकुत्या पडण्यापासून त्वचेचे रक्षण होते.
मुलायम त्वचेसाठी खास स्क्रब -
त्वचा मुलायम ठेवण्यासाठी ऑलिव्ह ऑईल फायदेशीर आहे. ऑलिव्ह ऑईल आणि मीठाचा वापर स्क्रब म्हणून केला जातो. त्वचेवरील मृत पेशींचा थर हटवण्यासाठी त्याचा फायदा होतो. मीठामध्ये अनेक प्रकारचे मिनरल्स असतात. यामुळे त्वचा हायड्रेट राहण्यास मदत होते.
कसं बनवाल स्क्रब ?
-अर्धा कप ऑलिव्ह ऑईल
-1/4 कप मीठ
-लिंबाचा रस
सारे पदार्थ एकत्र करून मिश्रण बनवा. त्वचेवर हलक्या हाताने या मिश्रणाने मसाज करा. 5 मिनिटं स्क्रब चेहर्यावर लावून ठेवा. सुकल्यानंतर थंड पाण्याने चेहरा स्वच्छ धुवावा.
कोपरे, ढोपर, घोटा येथील काळसरपणा हटवण्यासाठीही हा स्क्रब फायदेशीर आहे. प्युमिक स्टोन पायावर घासल्यानंतर स्क्रबने मसाज करावा. रात्री झोपण्यापूर्वी या स्क्रबचा वापर करा. त्यानंतर मॉईश्चरायझर लावून झोपा. त्वचेमध्ये मुलायमपणा टिकून ठेवण्यासाठी यामुळे मदत होऊ शकते.